sábado, 24 de octubre de 2026
Aínda que está dirixido principalmente a estudantes de grao, máster e doutoramento nos campos da saúde e a enxeñería, tamén é accesible para estudantes e profesorado de ESO, bacharelato e FP, persoal investigador sénior, empresas biotecnolóxicas e público en xeral.
O curso permitirá coñecer os conceptos básicos da bioimpresión 3D, incluíndo as súas vantaxes, limitacións e aspectos éticos e regulatorios. Ademais, explicaranse as etapas do proceso de bioimpresión e as técnicas dispoñibles na actualidade. As aplicacións terán un papel moi relevante, con sesións expositivas e talleres nos que se explorará a súa utilidade na fabricación de próteses, biorréplicas, implantes, tecidos, órganos e medicamentos personalizados.
As persoas interesadas poderán inscribirse ata o vindeiro 7 de xuño, dispondo de taxa reducida estudantes, pensionistas e persoas desempregadas.
Novo máster interuniversitario en Biofabricación
Durante o curso aproveitarase tamén para presentar o novo Máster Interuniversitario en Biofabricación, que, se ben aínda está pendente do informe da ACSUG, a previsión é que comece a impartirse en setembro nas tres universidades galegas, dirixido, sobre todo, a aquel alumnado que queira desenvolver competencias no ámbito da biofabricación, a enxeñería de tecidos e a medicina rexenerativa (deseño de estruturas 3D para o desenvolvemento de preórganos e tecidos funcionais, cribado de fármacos, medicina personalizada...).
O novo título contará cun cadro de profesorado formado por persoal docente e investigador das tres universidades públicas galegas ligado a diversos campos de coñecemento como a enxeñaría, a bioloxía, a farmacia ou a medicina.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
