sábado, 8 de agosto de 2026
Rueda informou de que o vindeiro martes sairá publicado o decreto da convocatoria das eleccións autonómicas no Diario Oficial de Galicia (DOG). O presidente indicou que tomou esta decisión unha vez aprobados os orzamentos para 2024 que blindan as medidas e proxectos previstos para o vindeiro ano.
Nesta liña, destacou que se trata dos orzamentos máis altos da historia da comunidade -ao superar os 13.250 millóns de euros- cos que se manterán medidas nas que Galicia é referente como a gratuidade das escolas infantís, a baixada de impostos, a equiparación das familias numerosas as de dous fillos ou contar co calendario de vacinación máis completo do mundo. E permitirá aplicar novas medidas coma o bono deporte para apoiar ás familias con fillos que practican deporte federado ou en Xogade, o autobús gratuíto para os maiores de 65 anos ou o bono de 5.000 euros para as persoas con dependencia que son coidadas nos seus domicilios.
O presidente salientou que Galicia leva 15 anos aprobando os orzamentos en tempo e forma, o que é algo excepcional noutros territorios, e apostou por seguir traballando para manter á comunidade como a illa de estabilidade que é na actualidade.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
