martes, 1 de julio de 2025
No informe advírtese que é preciso poñer en marcha medidas que contribúan a frear o despoboamento dos municipios de menos de 5000 habitantes, tendo en conta ademais que en Galicia o 64% das entidades locais atópanse nesta situación. O documento afonda nas causas desta regresión demográfica e as medidas necesarias para avanzar na cohesión social e territorial sen deixar atrás os retos das zonas rurais. Neste senso, a directora xeral destacou a necesidade de que as institucións teñan como obxectivo prioritario garantir a igualdade de oportunidades da cidadanía e a calidade na prestación de servizos públicos con independencia do lugar de residencia.
O informe, dirixido por Concepción Campos e Roberto Fernández Llera e a coordinación de María Cadaval, tamén sinala o papel das deputacións provinciais na asistencia ao desenvolvemento dos municipios máis pequenos en base a un marco autonómico e supervisor. Ademais, fai referencia ao Estatuto Básico de Municipios de Menor Poboación para mellorar a situación destes concellos máis pequenos. Entre outros moitos aspectos, no texto da Rede Localis tamén se reflexiona sobre a reforma da lei estatal reguladora das bases do réxime local e sobre a revisión e actualización do marco lexislativo autonómico en materia de administración local, na que a Xunta está a traballar mediante un acordo coa Universidade de Vigo.
Cátedra Institucional de Bo Goberno Local
A publicación do informe presentado este mércores enmarcase na Cátedra Institucional de Bo Goberno Local posta en marcha o ano pasado entre a Xunta e a Universidade de Vigo co obxectivo de modernizar o marco lexislativo local grazas á experiencia investigadora da Rede Localis. Tal e como explicou a directora xeral de Administración Local, esta cátedra supón un espazo de reflexión e debate sobre as propostas de mellora no ámbito local para avanzar cara unha administración do século XXI e facilitar o cambio de adaptación das entidades locais aos retos e demandas da sociedade actual.
A primeira fase do piloto do proxecto Xenoma Galicia permitiu detectar, entre os máis de 1.000 participantes aos que se lle recolleu unha mostra de sangue, 14 novos casos de alto risco para as patoloxías investigadas de cancro de mama e ovario hereditario, síndrome de Lynch e hipercolesterolemia familiar. A Consellería de Sanidade presentou esta mañá ante o Consello da Xunta un informe de situación do piloto do proxecto Xenoma Galicia. Cun investimento de 20 millóns de euros, o Goberno galego márcase o obxectivo de recompilar o ADN de 400.000 persoas. Pola porcentaxe de poboación incluída, Xenoma Galicia é un dos proxectos de maior envergadura do mundo. Permitirá ofrecer tratamentos farmacolóxicos individualizados, predicir o risco de enfermidades antes de apareceren para poder anticiparse a elas e evitalas grazas ao estudo do xenoma e da historia clínica.
No marco do Plan de Actuacións fronte aos posibles efectos das altas temperaturas sobre a saúde, a Xunta de Galicia vén de rebaixar a alerta por altas temperaturas aos niveis 1 e 2. Deste xeito, a vaga de calor iniciada pasado venres, que na xornada de onte acadou o nivel 3 de alerta en diversas áreas de Galicia, agora queda establecida nos dous primeiros niveis de alerta. En concreto, as zonas que ficarán no nivel 2 son o noroeste de Ourense, o interior de Pontevedra, así como o Centro e a Montaña da provincia de Lugo. Pola súa banda, defínese o nivel de alerta 1 por vaga e calor as zonas do interior de Coruña, o sur de Lugo, Miño de Ourense, montaña de Ourense, sur de Ourense, Valdeorras, litoral de Pontevedra e a zona Miño de Pontevedra.
