domingo, 21 de junio de 2026
Enmárcase na estratexia Spain Up Nation e está financiado pola Unión Europea-Next Generation EU e o Plan de Recuperación, Transformación e Resiliencia, ademais de apoiado polo Ministerio de Industria, Comercio y Turismo e a Escuela de Organización Industrial (EOI).
Este venres, a actividade comezou cunha mesa redonda sobre instrumentos públicos como impulso para o desenvolvemento empresarial na que participaron David Martínez, tesoureiro da Confederación Empresarial de Ourense e presidente da Asociación de Autónomos de Ourense; Patricia Pérez, directora territorial de Comercio do ICEX en Galicia; Covadonga Toca, directora do Instituto Galego de Promoción Económica Igape, e Raquel Rodríguez, de XesGalicia. As responsables destes órganos explicaron ao público asistente as diferentes liñas de axudas e recursos que teñen para empresas e emprendedores e David Martínez lembrou a importancia de que nelas se teña en conta ao colectivo de autónomos pois, indicou, "en Galicia representan o 98% do tecido empresarial". Tamén houbo mesas redondas sobre financiamento e aceleración en procesos emprededores e propostas de investimento para este colectivo, entre outras. Ademais, nesta segunda xornada a actividade arrancou en Expourense abordando temas como o panel de pagos, os nómadas dixitais e coliving en Galicia e sobre todo de turismo e deporte. Esta programación súmase á celebrada o xoves pola tarde con varias mesas redondas sobre polos de emprendemento e apoio ao emprego por parte da Xunta de Galicia (na que participou Elena Rivo, conselleira de Promoción do Emprego e Igualdade, e negocios como Galletas Daveiga) e sobre emprendemento no rural con tecnoloxía (coa presenza de proxectos empresariais como Recarbo, Luxsit, Biopraedium e Nosa Enerxía).
Máis programación
Tras este arranque, ao longo dos días de celebración participarán en Futurgal, entre outros especialistas, o experto en innovación Enrique Dans; a escritora e divulgadora Elsa Punset; Bernardo Quintero, fundador de VirusTotal (clave na elección de Málaga para o centro de ciberseguridade de Google); a deseñadora Ágata Ruiz de la Prada; Juan Verde, asesor do presidente de EEUU Joe Biden; o ex-ministro Francisco Caamaño; Pepa Bueno, directora da Asociación de Creadores de Moda de España; o influencer Pobre Millenial, e os economista María Blanco e José Carlos Díez. Haberá conferencias pero tamén mesas redondas centradas en temas como o turismo, a globalización e as novas tendencias e o empredemento no mundo da moda e en América Latina. Igualmente desenvolveranse diferentes encontros e tamén haberá espazo para a presentación de proxectos por parte de emprendedores e emprendedoras a investidores e business angels.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
