sábado, 8 de agosto de 2026
De feito, cómpre salientar que ao longo da súa tramitación, que foi moi participada, nin o Observatorio do Litoral, nin o profesorado das 3 universidades galegas, nin ningún dos expertos xuristas consultados lle veu trazos de inconstitucionalidade. E, ademais, segundo lembrou a vicepresidenta segunda, na súa tramitación parlamentaria non tivo nin un só voto en contra.
Nesa liña, e coa vontade de manter o consenso co que foi elaborada a lei, o Goberno galego manterá unha rolda de reunións cos sectores vencellados ao litoral da Comunidade. Así, esta mañá a vicepresidenta segunda e o conselleiro do Mar, Alfonso Villares, reuníronse con Marta García e Francisco Javier Sanz Larruga, responsables do Observatorio do Litoral, recoñecido grupo de investigación dependente da Universidade da Coruña especializado no estudo e análise de cuestións xurídicas relativas ao litoral.
A maiores, a conselleira lamentou o procedemento elixido polo Goberno central de recorrer ante o Tribunal Constitucional antes de poñerse en contacto coa Administración autonómica e levar a cabo unha comisión bilateral na que dialogar e chegar a consensos. Prívaselle á Administración autonómica desa posibilidade que sempre se dá e que nós sempre lle damos ao Goberno central cando hai leis coas que non estamos totalmente de acordo, como, por exemplo, coa lei de vivenda, incidiu Ángeles Vázquez.
A conselleira tamén fixo fincapé no mar de incertidumes que xera a decisión do Goberno central de presentar este recurso coa paralización de proxectos importantes tanto para os concellos como para a cadea mar-industria.
Pola súa banda, o conselleiro do Mar sinalou que a lei do litoral galega foi elaborada con moita información e redactada por profesionais que coñecen máis que ninguén desta materia, expertos do ámbito universitario que se tomaron o tempo necesario para alcanzar un documento ben cimentado e moi ben argumentado. Un importantísimo traballo xurídico que fai que resulte, segundo Alfonso Villares, que sexa tan difícil de entender este recurso.
Estamos a falar da xeración de novos postos de traballo que esta impugnación deixa no aire, cortando todas as expectativas das empresas e xerando unha confusión enorme, argumentou o conselleiro, que denunciou unha incerteza que alcanza ao sector mar-industria no seu conxunto. Unha actividade que en Galicia sustenta 40.000 empregos e xera arredor de 9.000 millóns de euros de impacto na economía autonómica.
Alfonso Villares argumentou que parece que ao Goberno lle molesta a nosa defensa do sector. Por iso, sinalou que desde a Xunta de Galicia o que toca agora é reunirse con todo o sector, que xa transmitiu a súa preocupación e inquedanza porque se vaia contra unha lei que fora consensuada con eles. Todos os implicados na elaboración desta norma valoraremos as melloras medidas para seguir defendendo o noso litoral, ao noso sector mar-industria e todos eses postos de traballo que o recurso pon en perigo, dixo.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
