miércoles, 8 de mayo de 2024
No eido da innovación, incidiuse no novo programa de compra pública de innovación e acordouse a elaboración dun mapa de capacidades e infraestruturas do hidróxeno verde, así como a identificación de tecnoloxías emerxentes nas que Galicia poida dispoñer de vantaxes no seu desenvolvemento.
Axilización de proxectos
Pola súa banda, o Comité executivo de normativa e instrumentos avanzou na priorización das súas liñas de traballo, entre as que destaca a publicación dunha guía de tramitación de proxectos de hidróxeno verde que impulse e axilice a súa posta en marcha.
A nivel normativo tamén se fixaron como obxectivos a redución da burocracia administrativa, a seguridade xurídica e a busca de boas prácticas regulatorias. Antes de que finalice o ano prevese publicar un mapa de axudas públicas para o sector que se complementará en 2024 cun boletín de novas e un servizo de asesoramento a través de webinarios informativos.
A Alianza Industrial Galega do Hidróxeno Verde, como instrumento de colaboración público-privada promovido pola Xunta de Galicia, ten como obxectivo maximizar as posibilidades de atracción de proxectos e impulsar e consolidar un novo tecido industrial, vinculado a este sector enerxético.
A característica fundamental de artes gráficas como o gravado é a existencia dunha matriz a partir da que poden xerarse diferentes obras. Partindo dese elemento, a propia evolución da arte contemporánea e os avances tecnolóxicos transformaron nas últimas décadas a noción de arte múltiple, cara o que o grupo dx5 (Digital & Graphic Art Research), da UVigo, denomina 'gráfica de campo expandido', concepto que tamén fai referencia a como a gráfica contemporánea abandona o seu carácter bidimensional para 'conquistar o espazo'. Para afondar nestas ideas, o grupo promove o VIII Foro Internacional de Creación na Fronteira 'O múltiple que ocupa o espazo', con tres exposicións, conferencias e intervencións no espazo público.
Galicia contará este ano cun total de 114 praias pertencentes a 35 municipios galardoadas coa bandeira azul, un distintivo de carácter internacional co que a Asociación de educación ambiental e do consumidor recoñece a areais de todo o mundo seleccionados en base a rigorosos criterios de sustentabilidade, accesibilidade e servizos. Galicia concentra case unha de cada cinco bandeiras concedidas en España (638) e consolida a súa posición entre as tres comunidades que reciben un maior número de distintivos para as súas praias, xunto con Valencia (que suma 138) e Andalucía (130).
