lunes, 2 de noviembre de 2026
Xa o domingo, a quenda será para Blanca Paloma que, tralo seu paso por Eurovisión, é unha das artistas españolas con maior proxección internacional; e de Allova, un orixinal proxecto vangardista liderado por a súa vocal de orixe rusa que mestura sons electrónicos con instrumentos e voz. Rapariga Dj e Senhora DJ serán as encargadas de pechar os concertos que, polo de agora, mantense en datas e ubicación establecidas, sempre que as condicións meteorolóxicas permitan a súa celebración. Estes concertos xa tiveran que ser adiados no mes de xullo por mor das condicións climatolóxicas adversas.
Compre lembrar que a apertura de portas será ás 19.30h e os concertos comezarán a partires das 20.15h. Aínda quedan entradas polo que aqueles interesados poden reservalas en www.festivalmaraberto.com.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
