martes, 23 de diciembre de 2025
O director da Axencia Galega das Industrias Culturais, Jacobo Sutil, asistiu esta mañá na Coruña ás proxeccións que tiveron lugar na Sala José Sellier, onde os catro grupos presentaron cadansúa produción e mantiveron un coloquio tras cada pase.
Na súa intervención, o representante da Consellería de Cultura, Educación, FP e Universidades dirixiuse aos presentes como un exemplo de capacidade de aprendizaxe a través do cinema, dos seus procesos de realización e dos moitos e positivos valores que a dinámica de traballo en equipo transmite. Así mesmo, puxo en valor a implicación dos catro cineastas galegos que guiaron os traballos deste programa: Xacio Baño, Marcos Flórez, Alejandro Tarraf e Ángel Santos.
Ver e facer cine
Cinema en Curso, proxecto internacional que estende o seu campo de acción a España, Chile, Alemaña e Arxentina, desenvolveu ao longo do ano académico obradoiros co alumnado participante. Nestas sesións periódicas, traballáronse diferentes aspectos da ficción e mais do documental, partindo dunha metodoloxía educativa fundamentada no vínculo entre ver cine e facer cine. Os diferentes procesos creativos, que culminaron hoxe na estrea, estarán dispoñibles nos vindeiros días na web de Cinema en Curso e proxectaranse tamén en varios festivais audiovisuais galegos.
A Sala José Sellier iniciou a xornada coa proxección da peza O pasar do tempo, un retrato documental de dúas familias que organizan o seu día a día ao redor do coidado dos animais en dúas aldeas galegas. Este filme foi realizado polo alumnado de sexto de primaria do Colexio de Tenorio, centro do municipio Cercedo-Cotobade, e contou co acompañamento de Marcos Flórez.
A pegada que deixas é a proposta documental artellada dende o Colexio A Reigosa de Ponte Caldelas. O filme, que contou co acompañamento de Alejandro Tarraf, amosa a rutina dos derradeiros ferradores que seguen en activo neste municipio pontevedrés.
Os antigos comercios e oficios de Betanzos protagoniza Arkhé. O fluír do tempo, obra das alumnas de 4º da ESO do Instituto As Mariñas. Esta obra documental, que aborda a evolución de establecementos e profesións da localidade en diversas épocas, dispuxo da guía de Xacio Baño para o seu desenvolvemento.
As distancias, a única fita de ficción que se puido ver hoxe na Filmoteca de Galicia, está asinada polo curso de sexto de primaria do Colexio A Rúa de Cangas. A historia, titorizada por Ángel Santos, reflicte na súa metraxe os modos de achegármonos á dor diante da ausencia dun ser querido.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
