sábado, 8 de agosto de 2026
Non en van, a galega é a primeira comunidade produtora de leite de España e a terceira de carne vacún.
Así, tras o anunciou da Comisión Europea de que España recibirá 64,5 millóns de euros do fondo de crise para apoiar a gandeiros e agricultores, o titular da Xunta urxiu ao Goberno a que se comprometa a achegar outra cantidade similar, asegurando tamén que as comunidades deben facer o propio entre todas. Neste caso, precisou que a Administración galega apoiará con fondos propios e na cantidade que corresponda ao sector.
No tocante á segunda medida adoptada, salientou a ampliación noutros 2 millóns de euros do Programa Renove Automoción, para cambiar un coche con máis de dez anos de antigüidade e cunhas axudas a particulares que van desde os 3.000 ata os 4.000 euros, segundo o tipo de vehículo. Cómpre lembrar que esta contía pode incluso incrementarse nun 20 por cento para as familias numerosas e, deste xeito, lograr que os apoios alcancen os 3400 e 4600 euros.
O responsable autonómico aproveitou a súa intervención para recordar a súa comparecencia o pasado martes no Parlamento de Galicia, co fin de reclamar ao Goberno unha vez máis que actúe ante a situación económica que se está a vivir; e para dar conta das novas medidas do Plan de Choque, en continua actualización, con fin de conter unha situación económica que está poñendo en risco a actividade da práctica totalidade da industria produtiva e dificultando a vida das familias.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
