Noticias

Cociñeiros con máis de 30 Estrelas Michelin reuniranse nun encontro gastronómico para fomentar os valores xacobeos

A iniciativa terá lugar o luns 10 de agosto en Negreira, en concreto no recinto de Galicia Espectáculo no Polígono Industrial de Covas. No encontro gastronómico, ao que asistirán os chefs, participarán unha vintena de empresas do sector enogastronómico da Comunidade. A degustación estará acompañada de diversas actuacións cumprindo en todo momento os protocolos de seguridade hixiénico-sanitaria. Previamente, durante esa mesma mañá, os chefs tamén realizarán unha andaina polo Camiño de Fisterra e Muxía, facendo parada en Ponte Maceira, considerada unha das vilas máis bonitas de España e un dos emprazamentos máis destacados deste itinerario xacobeo que a Xunta prevé recoñecer proximamente como Ben de Interese Cultural (BIC).

O conselleiro de Cultura e Turismo en funcións, Román Rodríguez, presentou hoxe Estrelas Solidarias no Camiño, un evento gastronómico organizado polo restaurante Casa Barqueiro de Negreira que reunirá en Galicia o vindeiro 10 de agosto a varios dos cociñeiros españois máis prestixiosos e recoñecidos pois, en conxunto, suman máis de 30 Estrelas Michelin.

A traxectoria e hospitalidade que brindan Rogelio e Francisco Rial volverá congregar a chefs como Martín Berasategui, Jordi Cruz, Juan Mari Arzak, os irmáns Torres, Eneko Atxa, Jesús Sánchez, Marcos Granda ou os galegos Manuel Costiña e Miguel Ángel Campos, ambos do Grupo Nove. Todos estarán en Estrelas Solidarias no Camiño, unha cita na que colabora a Xunta de Galicia e cuxos beneficios irán destinados a Cáritas.

“Esta iniciativa aséntase sobre algúns dos piares que nos identifican como pobo e nos permite fomentar algunhas das cousas das que nos sentimos máis orgullosos, a nosa gastronomía, o noso patrimonio ou a nosa cultura”, subliñou Román Rodríguez sobre un “evento que fusiona a solidariedade, a gastronomía e o Camiño de Santiago”.

Peregrinos e embaixadores

Ao respecto, agradeceu o traballo dos irmáns Rial, propietarios do restaurante Casa Barqueiro, como “anfitrións e exemplo de dedicación” que, desde hai xa varios anos, reúnen a esta “constelación de Estrelas Michelin” nunha iniciativa á que se suma agora o Goberno autonómico. Malia que tradicionalmente o encontro ten lugar en Semana Santa, este ano tivo que ser adiado ao verán por mor da crise do coronavirus.

Román Rodríguez referiuse a estes máis de 30 Estrelas Michelin como “aliados e embaixadores de Galicia” e confesou que é “unha alegría contar con profesionais e iniciativas como esta que nos permitan fomentar os valores xacobeos, dado que en momentos como os actuais están máis vixentes que nunca na nosa sociedade”.

Na rolda de prensa, celebrada na Cidade da Cultura, interviñeron a comisaria do Xacobeo 2021, Cecilia Pereira; o cociñeiro Rogelio Rial, en representación de Casa Barqueiro, e Javier García Sánchez, director adxunto de Cáritas Diocesana de Santiago de Compostela. Ademais, estiveron presentes Alfonso Cabaleiro, director xerente de Galicia Calidade, e Manuel Costiña, do restaurante Retiro da Costiña. Os cociñeiros Estrela Michelin enviaron un vídeo no que expresaron a súa satisfacción por formar parte de Estrelas Solidarias no Camiño.

Entradas á venda en Ataquilla

A iniciativa terá lugar o luns 10 de agosto en Negreira, en concreto no recinto de Galicia Espectáculo no Polígono Industrial de Covas, que abrirá as súas portas a partir das 13,00 horas. No encontro gastronómico, ao que asistirán os chefs, participarán unha vintena de empresas do sector enogastronómico da Comunidade. A degustación estará acompañada de diversas actuacións cumprindo en todo momento os protocolos de seguridade hixiénico-sanitaria. As entradas, a un prezo de 60 euros, están á venda desde mañá en ataquilla.com. Os beneficios acadados irán destinados a Cáritas.

Previamente, durante esa mesma mañá, os chefs tamén realizarán unha andaina polo Camiño de Fisterra e Muxía, facendo parada en Ponte Maceira, considerada unha das vilas máis bonitas de España e un dos emprazamentos máis destacados deste itinerario xacobeo que a Xunta prevé recoñecer proximamente como Ben de Interese Cultural (BIC).

R., 2020-07-20

Actualidad

Foto del resto de noticias (festival.jpg) Directos Xacobeo’21 en Salas, que arrancou a pasada semana con oito concertos no Barco de Valdeorras, Bueu e A Coruña, celebrarase con asistencia de público, atendendo ás medidas respecto á capacidade e ás condicións hixiénico-sanitarias que, en cada momento, dispoñan as autoridades competentes. Ademais, serán gravados e editados para a súa posterior retransmisión. Os responsables das 35 salas participantes foron os encargados de elixir as súas respectivas ofertas musicais como parte deste ciclo, a partir de todas as propostas artísticas galegas, de moi variados estilos musicais, recibidas por Clubtura mediante unha convocatoria aberta.
Foto de la tercera plana (turismo-maletas.jpg) A Consellería de Sanidade ven de actualizar o listado de territorios de obrigado rexistro para viaxeiros que chegan a Galicia e que se publicará esta tarde no Diario Oficial de Galicia. Esta actualización ven xustificada pola evolución de la situación epidemiolóxica tanto en distintas comunidades autónomas como noutros países. Entre as principais novidades a nivel nacional que recolle esta lista actualizada, destaca a inclusión de Madrid, mentres que pola contra xa non será obrigatorio resixtrarse para os viaxeiros procedentes da Rioxa. Continúan na lista Aragón, Cataluña, Navarra e País Vasco.

Notas

Este intercambio de información enmárcase na colaboración que tradicionalmente manteñen Galicia e Portugal e que cobra agora unha especial relevancia por mor da loita contra a covid-19. Dada a estreita relación entre ambos territorios e o continuo tránsito de viaxeiros, o coñecemento mutuo das respectivas situacións epidemiolóxicas será unha ferramenta mais para adoptar con maior rapidez as medidas sanitarias máis axeitadas.
Elaborado polo Grupo de Análise e Modelización Económica da USC (GAME), o informe 'Avaliación e análise do potencial do Camiño de Santiago-Vía da Prata para o desenvolvemento sostible a escala local' achega un conxunto de propostas de actuación que buscan facilitar a toma de decisión cara unha mellor ordenación e dinamización de Galicia no relativo ao Camiño de Santiago.
PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania