sábado, 18 de mayo de 2024
O premio está dotado con 25.000 , que repartirán os dous autores, máis a publicación da obra.
O xurado destaca que as dúas obras gañadoras están apegadas á realidade social, nun caso como reflexo do acontecido hai vinte anos e noutro á máis urxente actualidade. No caso de As liñas do paraíso, o xurado considera que se trata dun texto "no que se reflicte a actualidade na forma en que reconstrúe as viaxes e a vida das persoas refuxiadas en dous escenarios: Siria e Europa, reflexando moi ben a súa dramática situación". O fallo fai constar tamén que a obra "conecta coa realidade multicultural de Europa cunha historia na que resalta a personaxe infantil de Karim que ten moita forza ao presentar un drama humano que atañe a todos"
Por outra parte, Crónica denigrante trata, segundo o xurado, dun "texto no que existe un gran esforzo de documentación, moi traballado; é unha novela de non ficción cunha reconstrución moi lograda do crime que aconteceu en Nigrán, de xeito que pode considerarse unha crónica sentimental, case documental, dos anos noventa en Galiza".
Antón Ribeiro Coello (Xinzo de Limia, 1964) é autor de obras como A quinta de Saler (Galaxia, 1999), coa que xa foi finalista do Premio de Narrativa Torrente Ballester: Animalia (Galaxia, 1999), Premio Café Dublín; As rulas de Bakunin (Galaxia, 2000), Premio Manuel García Barros de Novela; Homónima (Galaxia, 2001), Premio Álvaro Cunqueiro de Narrativa; Laura no deserto (Galaxia, 2001), Premio da Crítica Española, Premio de Narrativa da AELG e Premio Frei Martín Sarmiento; Os elefantes de Sokurov (Galaxia 2015), Premio Fervenzas Literarias, A ferida do vento (Galaxia, 2016), Premio Frei Martín Sarmiento e Premio Fervenzas Literarias.
Alex Alonso reside en Pontevedra e é autor da obra Tempos de bebidas isotónicas e fast-fook coa que gañou o "Premio de narrativa curta Ánxel Fole 2015" do Concello de Lugo. Con anterioridade gañou o VI Concurso de relatos de muller Matilde Bares 2010 do Concello de Bueu coa obra Xénero imperfecto e recibiu a mención espcial do xurado do XII Certame Manuel Murguía de narracións breves con Estremonías.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
