martes, 1 de julio de 2025
A programación complétase con dúas exposicións, dúas actuacións en directo, cervexas silvestres, aliens por todos os lados, sorpresas e o método máis ruidoso posible para seleccionar as mellores curtametraxes: o clásico aplausómetro noventero.
A inauguración correrá a cargo de Caspervek Ensamble que musicalizará en directo Nosferatu, unha sinfonía do horror, o gran clásico expresionista do mestre F.W. Murnau e todo un referente do cinema de chupasangues o xoves 24 ás 19:30. Acto seguido proxectaranse dous bloques de curtas: Co cu torcido quedo e Animación Freak.
O venres 25 será unha xornada de frikismo intenso con varios pases diferentes agrupados por xéneros nos que se poderá gozar e rir a cholón no Serán de Humor Freak Vol. 1, tratar de explicar o inexplicable na sesión Que carallo é isto? ou chorar, berrar e ata abrazarse ó do lado na Noite de arrepío.
Xa o sábado 26 chegará o momento do Serán de Humor Freak Vol. 2 e unha cita que promete as delicias dos máis fanáticos o Frikismo do país sesión na que se proxectarán esas obras que máis entenden a filosofía do frikismo autóctono galego.
Para rematar, trala entrega de premios, chegará o momento do concerto de Los Pontiaks que dará paso ó desenfreo e o despiporre da festa de clausura que rematará cando o ordenen as autoridades, o ano pasado acabouse facendo o trenecito bromeou o director do certame iso é un síntoma inequívoco de que houbo sarao
Expos arrepiantes, escenografía arrepiante
Unha das grandes sorpresas da nova edición do Galician Freaky Film Festival é que contará cunha exposición de Alberto Hortas, a figura galega máis importante en canto a efectos especiais se refire puntualizou De Castro teremos moitas das súas pezas e a honra de telo a el aquí explicando a exposición e facendo una masterclass en vivo.
Hortas ten colaborado en filmes coma O espinazo do diaño, O laberinto do fauno ou o sanctasanctórum do frikismo de culto, o programa Muchachada Nui. Pero iso non é todo. Como ven sendo habitual no GFFF, non podía faltar a expo dun dos artistas máis arrepiantes do panorama vigués Josef Méndez e o seu Art Horror no que rende homenaxe ós grandes clásicos do terror dos 80 e os 90.
A videodrome será a nave Nostromo
Este 2019 cómprense corenta anos da estrea mundial de Alien o oitavo pasaxeiro, a cinta de culto protagonizada por Sigourney Weaver e dirixida por Ridley Scott. O Galician Freaky Film Festival non quixo perder a oportunidade de facer a súa propia homenaxe a esta efeméride e xa avisou no cartel do evento creado por Paulo Mosca e María Llauger.
Pero non quedará aí.
A Sala Videodrome converterase durante tres días na irmá pequena da nave Nostromo e alí se verán aqueles ovos míticos da peli cheos daqueles parasitos tan amigables e desexosos de abrazar a alguén.
En resumo, todos os que queiran rir, gozar do cine máis gamberro e sen complexos e vivir a festa máis friki do ano, teñen unha cita os próximos 24, 25 e 26 de outubro na sala Videodrome no Mercado do Progreso, na rúa Velázquez Moreno 44.
A primeira fase do piloto do proxecto Xenoma Galicia permitiu detectar, entre os máis de 1.000 participantes aos que se lle recolleu unha mostra de sangue, 14 novos casos de alto risco para as patoloxías investigadas de cancro de mama e ovario hereditario, síndrome de Lynch e hipercolesterolemia familiar. A Consellería de Sanidade presentou esta mañá ante o Consello da Xunta un informe de situación do piloto do proxecto Xenoma Galicia. Cun investimento de 20 millóns de euros, o Goberno galego márcase o obxectivo de recompilar o ADN de 400.000 persoas. Pola porcentaxe de poboación incluída, Xenoma Galicia é un dos proxectos de maior envergadura do mundo. Permitirá ofrecer tratamentos farmacolóxicos individualizados, predicir o risco de enfermidades antes de apareceren para poder anticiparse a elas e evitalas grazas ao estudo do xenoma e da historia clínica.
No marco do Plan de Actuacións fronte aos posibles efectos das altas temperaturas sobre a saúde, a Xunta de Galicia vén de rebaixar a alerta por altas temperaturas aos niveis 1 e 2. Deste xeito, a vaga de calor iniciada pasado venres, que na xornada de onte acadou o nivel 3 de alerta en diversas áreas de Galicia, agora queda establecida nos dous primeiros niveis de alerta. En concreto, as zonas que ficarán no nivel 2 son o noroeste de Ourense, o interior de Pontevedra, así como o Centro e a Montaña da provincia de Lugo. Pola súa banda, defínese o nivel de alerta 1 por vaga e calor as zonas do interior de Coruña, o sur de Lugo, Miño de Ourense, montaña de Ourense, sur de Ourense, Valdeorras, litoral de Pontevedra e a zona Miño de Pontevedra.
