viernes, 1 de mayo de 2026
De seguir esta tendencia, ao remate da campaña estaríamos a falar de que se superaría o 57,8% de cobertura vacinal do pasado ano na poboación galega de 65 ou mais anos.
Ademais da suba a nivel de poboación xeral, cómpre subliñar a mellora das coberturas entre os profesionais sanitarios, cun aumento de case un 30% máis, segundo os datos provisionais manexados e consolidando a tendencia dos últimos anos na que os profesionais sanitarios van incrementando a sua confianza nesta vacinación.
É necesario destacar, igualmente, o espectacular incremento de vacinación das mulleres embarazadas, cun ascenso cercano ao 70% con respecto á campaña de 2017, probablemente debido a unha maior concienciación da importancia desta enfermidade no embarazo por parte das mulleres e dos profesionais sanitarios que as atenden.
Sanidade recorda que este ano en Galicia estase a atrasar a chegada da onda gripal e, polo tanto, todavía están a tempo de vacinarse todas aquelas persoas que o desexen e non o teñan feito. Así, aínda que a campaña remata hoxe, as persoas que estean interesadas poden acudir a vacinarse a algún dos 900 puntos de vacinación repartidos por toda a comunidade (centros de saúde e hospitais da rede Sergas, centros sanitarios privados, residencias da 3ª idade e outros).
A recollida das doses de vacina antigripal dos centros non se realizará ata a segunda quincena do mes de xaneiro, permanecendo as doses nos puntos en perfectas condicións para ser administradas.
Últimos datos epidemiolóxicos
Non se pode esquecer que o principal obxectivo desta campaña é minimizar o impacto en saúde da gripe na poboación galega mediante a súa prevención, tentando diminuír o número e gravidade das complicacións derivadas de padecela e, aínda que non empezou a onda deste ano, os últimos datos epidemiolóxicos publicados amosan xa 24 ingresos hospitalarios por esta enfermidade dos que 5 tiveron que ingresar en UCI.
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
