A World Trails Conference reúne desde hoxe en Galicia as mellores rutas culturais, ecolóxicas e de peregrinación de todo o mundo
Máis de 250 persoas de 41 nacionalidades diferentes reúnense desde hoxe e ata o sábado en Santiago de Compostela para participar na World Trails Conference, o congreso internacional no que se reúnen as mellores rutas culturais, ecolóxicas e de peregrinación de todo o mundo. O congreso permitirá coñecer as experiencias de, entre outros, o Camiño Kumano Kodo -Patrimonio Mundial e irmandado co Camiño de Santiago desde hai 20 anos- e tamén o Camiño Shikoku Henro, co que tamén Galicia mantén férreas alianzas de colaboración.
Haberá, ademais, representantes de, entre outros, os Camiños de Jeju Olle, en Corea do Sur, e do Great Himalaya Trails, o trazado máis largo e alto do mundo e que está situado no Nepal.
Participarán algunhas das rutas culturais de longa distancia que están presentes en Taiwan, así como xestores de itinerarios e sendeiros de Grecia ou Irlanda. Xunto a eles, haberá representación de Sudamérica, con itinerarios de Costa Rica ou Panamá; ou Xordania, coa Jordan Trail. Tamén está prevista a presenza de relatores de Canadá ou Estados Unidos e o traballo levado a cabo no Camiño de Santiago en Galicia centrará varios relatorios deste congreso internacional.
Portas abertas o sábado
As sesións profesionais afondarán na vinculación destes itinerarios e a protección da natureza, nos beneficios económicos das rutas para as economías rurais, a preservación do patrimonio cultural e os valores espirituais, así como a importancia do crecemento sustentable en cada unha destas rutas culturais, ecolóxicas e de peregrinación do mundo.
Reservarase o sábado 29 como xornada de portas abertas para o público xeral, con entrada libre ata completar aforamento. A sesión incluirá a conferencia maxistral de Manuel Butler, director executivo da Organización Mundial do Turismo (OMT), así como as presentacións nun formato áxil e dinámico ao redor da xestión realizada en itinerarios como a Ruta dos Fiordos occidentais, en Islandia ou os Sendeiros dos Apalaches, en Estados Unidos, entre outras. Haberá tamén un ciclo de cine dos itinerarios do mundo. A sesión do sábado será no Auditorio Abanca (rúa do Preguntoiro, 23).
R., 2018-09-27
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.