lunes, 23 de junio de 2025
Pajaro Sunrise comezou sendo o proxecto conxunto de Yuri Méndez e Pepe Lopez. O seu primeiro álbum, gravado, mesturado e producido por eles mesmos con medios caseiros en 2006 foi acollido polos medios especializados. Chegou a ser publicado en Xapón e Corea do Sur e foi seleccionado tamén como Novo Talento FNAC.
Xa en 2013, e tras varios cambios nos integrantes do grupo, Pajaro Sunrise edita Kulturkatzenjammer, un álbum composto, cantado e musicado por Yuri Méndez que se afasta do folk americano de traballos previos achegándose á electrónica. En 2016 publícase Collapse, un disco con 14 temas novos cheos de humor negro que esta semana poderemos escoitar no Gaiás á hora do solpor, xunto a algún dos temas inéditos que están a punto de ver a luz no seu novo traballo.
Mesturando raíz e vangarda
Xa o venres chegará á Praza Central da Cidade da Cultura o ferrolán Fernando Barroso, acompañado pola novísima violoncellista viguesa Margarida Mariño e a icónica Celina da Piedade. Os tres presentarán no Gaiás Silence Lovers Club, un traballo no que a mandolina se erixe como protagonista dun repertorio orixinal de doce temas inspirados tanto por compositores clásicos doutras épocas, como por instrumentistas actuais de diferentes estilos e lugares do mundo. Fernando Barroso compón así temas que van dende o swing/jazz, pasan pola música persa ou barroca, e rematan poñendo un pé na música popular.
Será unha excelente oportunidade tamén de gozar do inmenso carisma en directo de Celina da Piedade, que ten levado o seu acordeón e a súa voz aos contextos máis diversos, entre formas e cores tradicionais, paseos polos recordos da música de raíz e un sentimento máis moderno e universal. A artista portuguesa debuxa unha música chea de alma e personalidade, que, no escenario, gaña coa súa formidable presenza.
Por último, Baiuca pechará o sábado esta primeira semana de agosto de concertos ao aire libre co persoal estilo que marca o seu álbum debut. As Rías Baixas son o novo Amazonas: é a carta de presentación deste novo proxecto capitaneado por Alejandro Guillán, que combina o máis avanzado e vangardista da música electrónica coas raíces máis salvaxes e puras da música tradicional.
Pode unha caixa de ritmos danzar ao ritmo dunha muiñeira? Poden os ritmos de antonte soar aos de pasado mañá? Como conseguir resignificar as marcas culturais da Galicia pasada e a futura? Como se delimitan as fronteiras entre a música tradicional, a folktrónica, a música de clube, a world music, as gravacións de campo e o beat da máquina? Hai espazo para que a música folclórica galega trascenda a territorios máis propios das vangardas musicais? As respostas, no solpor deste sábado na Cidade da Cultura, co directo arriscado pero necesario de Baiuca.
21 concertos para un verán no Gaiás
Estes tres concertos forman parte das 21 actuacións que programa o ciclo musical Atardecer no Gaiás para 2018, unha edición que se caracteriza ademais de por unha maior presenza das músicas urbanas pola aposta por voces femininas e que conta coa colaboración do Inaem e patrocinio de Cervezas Alhambra e de A Cantina do Gaiás, no caso das sesións con DJ. Todos os concertos terán lugar na Praza Central do Gaiás, con entrada libre e de balde, ás 21 horas dos xoves, venres e sábados do verán ata o 18 de agosto.
O festival desenvolverase no adro da sede da SGAE no parque de Vista Alegre, en Santiago de Compostela. O primeiro en ocupar o escenario será o rimador de Muros 9Louro, talento emerxente que segue a pegada doutros coñecidos grupos muradáns, como The Rapants ou Capital Voskov. Este mesmo ano lanzou o seu primeiro traballo discográfico, Nove noves, cunha variada mestura de funk, bachata, reguetón, trap e pop. A continuación, será a quenda da viguesa de ascendencia brasileira Lua de Santana. O dúo compostelán Boyanka Kostova pechará o festival Acento 2025 coa súa proposta retranqueira, na que o urbano e os sons máis contemporáneos conviven co tradicional.
O secretario xeral de Industria e Desenvolvemento Enerxético, Nicolás Vázquez, interveu na Conferencia da Alianza de Rexións Europeas con Industria da Automoción, onde defendeu a necesidade de que os fondos europeos que permiten apoiar os sectores industriais sigan sendo xestionados polas rexións. No encontro, celebrado no marco dos traballos para avanzar no Plan de Acción para o sector do automóbil que presentou a Comisión Europea en marzo, Nicolás Vázquez remarcou que Galicia é partidaria de que se manteña a descentralización dos fondos de cohesión.
