lunes, 19 de octubre de 2026
O curso, que se desenvolverá no Museo das Peregrinacións ata o venres, foi inaugurado esta mañá nun acto que contou coa presenza do xerente do Xacobeo, Rafael Sánchez e dos directores do curso, os profesores Miguel Taín Guzmán e Domingo González Lopo.
Esta edición conta coa participación de destacados investigadores como o director do Instituto Europeo dos Itinerarios Culturais, Stefano Dominioni, entre outros, e tamén conta coa presenza de asistentes chegados de diferentes puntos de España e de países como Francia, Brasil, Italia, Alemaña ou Portugal. Xunto aos relatorios nos que se presentarán os resultados das últimas investigacións sobre o fenómeno xacobeo, o Camiño de Santiago e o seu patrimonio cultural, tamén está previsto un programa de visitas que inclúe a realización dalgún dos tramos do Camiño do Norte, un dos itinerarios Patrimonio Mundial.
O apoio de Turismo de Galicia a iniciativas formativas como esta enmárcase no compromiso da Xunta por fomentar a investigación xacobea. De feito, esa é unha das liñas estratéxicas do Plan director do camiño de Santiago, a folla de ruta da Xunta para levar a cabo no Camiño de Santiago melloras en eidos como a recuperación e construción de infraestruturas, a sinalización, o mantemento, a accesibilidade ou a investigación xacobea.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
