lunes, 19 de octubre de 2026
Todos eles caracterizados por melodías intimistas, nas que destaca a dozura da súa voz e o seu talento como cellista.
O cello é un dos múltiples instrumentos que toca desde os 5 anos e no que amosa un gran virtuosismo, produto da formación recibida pola gran mestra Cristine Waleska coñecida como a Deusa do cello. O seu manexo deste instrumento levouna a tocar con Jane Birkin tanto en estudio como en xiras e ten colaborado tamén con figuras con Jeane Moreau e Piers Faccini.
En todo caso, haberá que esperar ao sábado, día 14, para poder gozar no Escenario Alhambra das súas composicións e do seu repertorio, onde nunca faltan melodías populares con versións de clásicos eternos como Duerme, duerme, Negrito ou Gracias a la vida, de Mercedes Sosa.
Ritmos mexicanos e música en galego
A apertura desta semana de Atardecer no Gaiás recae en La Redada. O combo mexicano autodefínese como o remedio infalible á escaseza de baile no mundo actual. Con esta carta de presentación ateigarán mañá xoves, día 12, a Praza Central da Cidade da Cultura, con ritmos psicodélicos-tropicais que van desde o danzón, ao chachachá ou o funk. Sons, moitos deles, versionados da música latina dos anos 30 do século pasado e que rescatan de entre vinilos de segunda man xa esquecidos.
O baile tamén está garantido para a sesión do venres de Atardecer no Gaiás. Desta vez, da man de A Banda da Loba que ofrecerá rock, pop e folk en galego. Estas cinco mulleres musicalizan tanto a poetas galegas senlleiras como contemporáneas ofrecendo un fantástico calidoscopio musical para pórlle banda sonora ao quinto solpor do ciclo.
Estes tres concertos forman parte das 21 actuacións que completan o programa de Atardecer no Gaiás 2018, unha edición que este ano se caracteriza ademais de por unha maior presenza das músicas urbanas pola aposta por voces femininas, tal e como demostra o cartel desta semana.
Andaina nocturna tras o concerto de La Redada
Toda a información das bandas e artistas deste ciclo co que colabora o Instituto Nacional de Artes Escénicas y Musicales (Inaem) e que conta co patrocinio de Cervezas Alhambra pode consultarse na páxina web da Cidade da Cultura www.cidadedacultura.gal. Para poder asistir aos concertos, que en todos os casos comezarán ás 21 horas, cóntase con servizo de autobuses urbanos que amplía o seu horario de baixada ao centro da cidade, das 23 a 00.30 horas, cando hai pinchada musical con DJ, completando algunha actuación.
Ademais, este xoves hai sesión nocturna de Camiño ao Gaiás, polo que todas as persoas que o desexen ao acabar o concerto de La Redada poden baixar a pé á zona vella de Santiago nunha andaina guiada, que permite coñecer a faciana nocturna da ruta natural e tamén patrimonial que une a Cidade da Cultura co centro histórico compostelán. Unha actividade, de balde pero con inscrición, das case 70 que conforman o programa de Verán no Gaiás.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
