viernes, 9 de mayo de 2025
Nota de prensa de la Real Academia Galega (RAG):
O académico Xesús Alonso Montero, amigo persoal de María Victoria Moreno, acompañará a autora na presentación do volume publicado por Hércules de Ediciones. Tamén participarán no acto o ilustrador da obra, Antonio Seijas, e a editora, Laura Rodríguez. Miguel Requeixo e Miguel López Pombo encargaranse do acompañamento poético e musical.
Ánxela Gracián achégase a María Victoria Moreno a través de Garimoso, un dos personaxes do primeiro libro que publicou a autora. Fascinado pola nova vida de lobo que non ten obriga de comer carapuchiñas, empeza a ler todos os libros da súa creadora, e tamén os que se escribiron sobre ela. Tras devorar todas estas páxinas, decide mandarlle a María Victoria Moreno doce cartas que rememoran a vida e o legado da escritora que protagonizará o vindeiro 17 de maio.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
