lunes, 30 de junio de 2025
Nota de prensa remitida por el Gabinete de Comunicación de la Xunta de Galicia:
O Centro Galego de Artes da Imaxe (CGAI-Filmoteca de Galicia) inicia a súa temporada de proxeccións 2016-2017, na que durante este primeiro bimestre ofrecerá ciclos dedicados aos filmes galegos galardoados na recente edición dos Premios Mestre Mateo, así como á obra de cineastas como Martín Rejtman, Bruce Baillie ou Sergei Loznitsa, entre outros contidos cos que se renovarán todas as seccións habituais da programación.
A película El desconocido, de Dani de la Torre (o xoves 15); as curtametraxes Eco, de Xacio Baño, O terceiro porco, de David Saborido, e Buscando a superfama (Heredeiros da Crus), de Olga Osorio (o venres 16); e o documental Os días afogados, de César Souto e Luis Avilés (o sábado 17) son os cinco títulos que poderán verse nos próximos días como escolma dos traballos distinguidos cos premios que outorga anualmente a Academia Galega do Audiovisual.
Previamente, a nova carteleira arranca con dúas sesións do apartado Fóra de Serie: Todos queremos algo, de Richard Linklater, mañá martes, e Las mil y una noches. Vol. 1: El inquieto, de Miguel Gomes, o mércores. As dúas en pases dobres ás 18.00 e ás 20.30 horas. A triloxía da obra de Gomes, unha ficción sobre os efectos da crise en Portugal, continuará os dous seguintes mércores do mes coas segunda e terceira partes: El desconsolado e El embelesado.
A ollada lusa completarase coas obras de Rita Azevedo La venganza de una mujer e Frágil como o mundo, os días 5 e 6 de outubro.
Renovación do cine arxentino
O martes 20 de setembro comezará o ciclo dedicado Martín Rejtman, un precursor da renovación do cine arxentino a partir dos 90, ao que aplicou á súa formación obtida na New York University e nos estudios Cinecittá de Roma, mais tamén no cineclubismo riopratense. A exhibición preparada en colaboración co centro Tabakalera de San Sebastián, abrangue películas como Rapado, Doli vuelve a casa, Silvia Prieto, Los guantes mágicos ou Copacabana, entre outras.
Ademais, o CGAI ten programadas dúas sesións (o 7 e o 19 de outubro) dedicadas á obra documental do cineasta ucraíno Sergei Loznitsa, continuando así a súa cooperación cos creadores obxecto de atención polo festival Curtocircuíto de Santiago de Compostela. Outro certame importante no panorama audiovisual galego, o Freakemacine, ocupará tamén unha semana de proxeccións (do 25 ao 29 de outubro) na filmoteca galega, con dez títulos e outras actividades de difusión do xénero fantástico.
Vangarda norteamericana e fútbol
O estadounidense Bruce Baillie é o protagonista doutro ciclo, que fará fincapé na súa enorme influencia no cine de vangarda americano como membro fundador da distribuidora Canyon Cinema e da San Francisco Cinematheque e como impulsor de espazos e estruturas de exhibición e distribución para cineastas experimentais. A panorámica sobre o seu traballo principiará o 13 de outubro coas pezas Mr. Hayashi, Mass for tle Dakota Sioux, Valentín de las Sierras, Here I Am e Little Girl, nunha sesión que será presentada por Garbiñe Ortega, comisaria da mostra. A retrospectiva de Baillie continuará o 14 e o 18 de outubro con outras catorce películas representativas da súa extensa produción con distintos formatos e temáticas.
Otra das novidades da temporada é o programa sobre cinema e fútbol De portería a portería, que se desenvolverá do 20 ao 22 de outubro con imaxes inéditas do arquivo do RC Deportivo de La Coruña e mais os filmes ¡¡Campeones!!, de Ramón Torrado e El sistema Pelegrín, de Ignacio F. Iquino.
Retómase así mesmo a extensión de programación que o CGAI mantén en Vigo xunto co Cineclube Lumiére e en Ourense co Cineclube Padre Feijoo. A sala do Auditorio Municipal vigués acollerá mañá o filme A seara, de Pepe Coira, ao que seguirá os sucesivos martes de setembro e outubro unha selección de películas do mauritán Adderrahmane Sissako: Le jeu, Octobre, Sabriya, La vie sur terre e Heremakono, así como as obras do galego Alberte Pagán Faustino 1936, Walsed e Frank.
A primeira e última sesión de Vigo repetiranse no espazo da Biblioteca Pública Nodal de Ourense os días 19 de setembro e 20 de outubro, en tanto que o resto de pases preparados para Ourense dedicarase á triloxía Las mil y una noches de Miguel Gomes. Vol 1: El inquieto poderá verse o 26 de setembro, Vol 2: El desconsolado proxectarase o 3 de outubro e Vol. 3: El embelesado, o 10 de outubro.
Galicia reforza por terceiro curso consecutivo o seu liderado na taxa de escolaridade de 0 a 3 anos e achégase ao 65 %, máis de 15 puntos por riba da media de España, segundo os últimos datos oficiais que vén de publicar hoxe o Ministerio de Educación, Formación Profesional e Deportes. Deste xeito, Galicia segue sendo a comunidade autónoma onde máis familias poden acudir a unha escola infantil totalmente gratuíta. As cifras oficiais revelan que Galicia rexistrou no curso 2024-2025 unha taxa do 64,3 % de escolarización, máis de catro puntos por riba do 60,6 % acadado no período anterior. Esta porcentaxe mantén á comunidade ao nivel dos países con maiores índices de benestar en Europa, como Suecia ou Dinamarca.
No marco do Plan de Actuacións da Xunta de Galicia fronte aos posibles efectos das altas temperaturas sobre a saúde, vénse de activar o nivel 1 de alerta a diversas áreas da comunidade autónoma por episodio de calor. Meteogalicia informa que a partir da xornada do venres 27, as altas presións volverán localizarse ao norte da península Ibérica, achegando unha masa de aire moi cálida de orixe norteafricana. Isto fará que as temperaturas experimenten significativos ascensos, tanto nos valores mínimos como nos máximos. Este ascenso de temperaturas comezará a notarse desde ese mesmo día, cando en moitos puntos de Galicia se superarán os 30ºC, e mesmo os 35ºC, en puntos do interior.
