viernes, 10 de abril de 2026
O delegado de Cultura e Turismo da Deputación de Lugo, o nacionalista Mario Outeiro presentouno Museo de Lugo o catálogo que recolle as fotografías expostas na mostra que estivo no propio Museo Instantes na Memoria: fotografías de Salvador Castro Freire (1869-1952). Na presentación, o delegado estivo acompañado da comisaria da exposición e responsábel da catalogación, María Quiroga Figueroa.
Tal e como destacou Mario Outeiro, cando se ideou a montaxe da exposición dos fondos do Arquivo de Salvador Aurelio Castro Soto Freire, que agora o catálogo recolle, fíxose co obxectivo de mostrar fondos de reserva, que habitualmente non figuran na exposición permanente pero que están dentro das coleccións custodiadas polo Museo. Moitas das fotografías que aquí aparecen son inéditas e de seguro que con esta publicación conséguese amosar unha nova perspectiva do Lugo de fins do século XIX e principios do XX. Trátase dun verdadeiro arquivo visual con máis de duascentas fotografías e negativos orixinais de Castro Freire que recollen as transformacións urbanísticas que sofre Lugo nunha época de grandes cambios, polo que son documentos históricos e artísticos que forman parte do noso patrimonio cultural tamén entendido como un signo identitario e como un xeito de reflexión/unión entre o pasado, o presente e o futuro.
O delegado de Cultura e Turismo tamén afirmou que desde a Área de Cultura comprácenos resaltar con esta publicación un legado cultural para o estudo e desfrute das xeracións vindeiras e tivo palabras de agradecemento para o traballo realizado pola comisaria, María Quiroga Figueroa, e a todas as persoas, que foron moitas, que dunha ou doutra maneira colaboraron para que este proxecto que hoxe presentamos vise a luz.
O catálogo ofrece a posibilidade de achegarse á evolución da fotografía como disciplina artística, visualizando os antigos procedementos técnicos e a experimentación das súas posibilidades. Tamén, como documento gráfico, as obras que se amosan conxelan un instante e permítenlle á memoria histórica visual lembrar un pasado da cidade e da provincia de Lugo que xa non existe e axudan a poñer en valor a un autor lucense de gran valía.
As fotos son variadas en temas, alternando panorámicas xerais con vistas de monumentos concretos, e compleméntanse coa posibilidade de ver as placas e o estereoscopio utilizados naqueles momentos. Unha circunstancia que propicia que este proxecto se poida converter nun referente de grande importancia.
Os sistemas de almacenamento enerxético resultan fundamentais para dar estabilidade ao sistema, tanto desde o punto de vista técnico como económico, grazas a súa contribución á resiliencia da rede e na redución das oscilacións dos prezos da factura eléctrica. Na actualidade Galicia conta con 46 expedientes de baterías en tramitación, que suman 492,75 MW, aos que hai que engadirlle outros 3 expedientes (17,75 MW) xa autorizados.
Foi presentada a nova edición da campaña Días Azuis do Comercio Galego, froito da colaboración entre o Executivo autonómico e a Federación Galega de Comercio, que se desenvolverá entre o 10 e o 30 de abril de 2026. Esta iniciativa ten como obxectivo incentivar e dinamizar o comercio de proximidade. Para iso, sortearanse 20.000 euros en premios entre as persoas consumidoras que realicen compras nos establecementos adheridos durante o período da campaña.
