viernes, 18 de julio de 2025
Estas obras estiveron expostas na sala de arte do edificio da Xunta de Galicia en Lugo, desde o 28 do pasado decembre ata o 15 de xaneiro.
Desde o 16 de xaneiro ao remate da campaña do Nadal, na Casa de Cultura de Begonte, no seu horario de apertura de 17,15 a 20,00 h.
O Premio deste Certame, dotado con 1.500 e estatuíña de Saargadelos foi
para a lucense NOA PERSÁN, pola sua obra IMPRONTAS ATEMPORAIS. E
concedéronse cadansúa Mención de Honra, dotada con estatuíña de Sargadelos para FRANCISCO MACEIRA RODRÍGUEZ, pola obra SADA DENDE O OUROVELLO; JOSÉ MANUEL PEÑA ROMAY, por PORTO DEPORTIVO O PARROTE e CARMEN LOLO POMBO, pola obra CATEDRAL DE LUGO.
Os premios serán entregados o 26 de xaneiro, sábado, no decurso dos actos de clausura da XLI edición de O NADAL EN BEGONTE.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento. Entre 2019 e 2024 investiuse un total de 2,6 millóns de euros, permitindo a realización de 159 accións formativas e case 469.000 horas lectivas.
O 58% dos 855 ciclos de Formación Profesional ofertados para o próximo curso en Galicia complétanse na primeira adxudicación de prazas pechada onte pola Consellería de Educación, Ciencia, Universidades e FP, e que dá dereito a matricula. Segundo os datos recabados, un total de 56.049 persoas presentaron solicitude para cursar algunha modalidade de Formación Profesional, o que representa un incremento do 3,5% (1.898 solicitudes máis) con respecto ao curso 2024-25, e supón acadar de novo un máximo histórico que confirma o interese que espertan estas ensinanzas.
