lunes, 15 de junio de 2026
O Presidente da Mesa pola Normalización Lingüística, Carlos Callón, solicitou unha nova entrevista coa Conselleira de Educación para abordar a aplicación no ensino non universitario do Plan Xeral de Normalización da Lingua Galega, un aspecto no cal xa se comprometera Laura Sánchez Piñón nunha anterior reunión con esta entidade o 10 de outubro de 2005. Carlos Callón observa con moita preocupación que en todos estes meses de curso escolar non se tomase ningunha medida seria para aplicar o Plan.
A Mesa lembra que o Acordo de Goberno asinado por PSOE e BNG sinala que a nova Xunta se compromete activamente coa efectiva e inmediata aplicación das medidas de galeguización do ensino recollidas no Plan de Normalización Lingüística aprobado unanimemente polo Parlamento galego en setembro de 2004. Segundo Callón, non houbo aplicación nin efectiva nin inmediata e, o que é peor, do comunicado de imprensa enviado onte pola Secretaría Xeral de Política Lingüística despréndese que non hai intención de aplicalo, senón de seguir coa insuficiente e desactualizada norma actual.
Cómpre recordar que para a aplicación do Plan Xeral é necesaria a aprobación dun novo Decreto de galeguización, que actualice o que está nestes momentos en vigor (247/95) e incremente os mínimos de docencia en galego no seguinte sentido:
- Estabelecer unha oferta en galego na educación infantil.
- O uso do galego en infantil non pode ser inferior ao 33% nos espazos en que a lingua predominante sexa o castelán.
- En primaria, ESO, bacharelatos e ciclos formativos, garantir que a docencia en galego nunca sexa inferior ao 50%.
A Mesa considera que para que este Decreto poida ser de aplicación no curso próximo é necesario que se dea a coñecer á comunidade educativa canto antes, para que todos os centros e departamentos afectados poidan tomar as medidas necesarias para garantir o seu cumprimento.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
