viernes, 7 de agosto de 2026
Déronlles a benvida o responsable das xornadas, o catedrático José Carlos Prado, xunto ao director da escola, José Fariña, quen salientou a importancia de celebrar este tipo de encontros profesionais no centro, xa que nos fan visibles na contorna empresarial e industrial, que é tamén un dos nosos obxectivos como centros.
A través de diferentes relatorios as xornadas deixaron claro que a IA non é unha promesa de futuro, senón unha realidade do día a dia das persoas que traballan en loxística, un nome que pode que estea un pouco en desuso, pero que nós preferimos manter fronte a outras denominacións como blockchain, explicou Prado.
Ferramentas que se xustifican solas
Contouse coa participación de destacados especialistas nesta materia. Os primeiros en intervir foron Antonio Hernández e Catalina Losada, de Serveo, multinacional de servizos, con actividade sobre todo en España e Portugal, con máis de 60.000 empregados, 2.000 millóns de euros de facturación e presenza en case todos os sectores da vida diaria, desde servizos de xestión a bordo do AVE ata traballos para as universidades ou supervisión de torres de control, entre elas a do aeroporto de Vigo, explicou Hernández. Na súa charla expuxeron diferentes exemplos de innovación na Unidade de Intelixencia de Procesos desta empresa, facendo mención non só a IA, senón tamén a outras moitas cuestións: vehículos autónomos, xeolocalización, programas de baixo custe
Nos casos prácticos fixo tamén fincapé o docente da Área de Matemática Aplicada da Universidade de Vigo Javier Martínez Torres, recoñecido divulgador no eido da intelixencia artificial e cloud computing, almacenamento de datos na nube. Responsable tamén da firma viguesa Possible, empresa tecnolóxica especializada en auditar, planificar e pór en marcha plans de transformación dixital para empresas, Martínez Torres buscou coa súa intervención facer conscientes ás persoas asistentes de que a IA está omnipresente no mundo empresarial. Todo o mundo busca en PDF, todos procuramos información, todos cubrimos follas de Excel
A IA impacta na administración, nos recursos humanos, na xestión de recursos e, en xeral, en absolutamente todas as áreas dun negocio.
Desde o seu punto de vista, o principal reto é que a xente teña ordenada a súa casa a nivel de datos, o que non é doado nunha empresa, dada a cantidade de cuestións que se manexan. A continuación, resulta básico que o responsable da firma crea nisto e sexa un visionario, no senso de que sexa consciente de que é algo que aforra moito tempo e ten un retorno moi inmediato. A partir de aí, trátase de empezar a probar a mellor maneira de decatarse de que son ferramentas que se xustifican solas e que se poden empregar en moitísimos casos de uso.
A situación en Galicia é boa, tanto nas empresas como nas universidades
Á pregunta de como se atopa Galicia en canto á implantación da IA, Martínez Torres ten claro que a situación é boa, non en van a AESIA, que é a policía da IA, ten sede na Coruña, por algo será, sobre todo se temos en conta que somos o primeiro país de Europa que a ten; ademais, as universidades teñen moito talento de IA e nas empresas hai tamén un polo importante.
As xornadas, que rematan cun xantar na Cidade Universitaria, incluíron tamén a participación de David Silveira, de Oia global, multinacional americana experta en servizos loxísticos para múltiples sectores, e de Pedro Amorim, profesor da Universidade do Porto e socio en LTPlabs, experto no mundo da loxística do comercio electrónico.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
