jueves, 17 de julio de 2025
Entre os relatores convidados a participar nestas xornadas figuran o catedrático de Ciencia Cognitiva do Rensselaer Polytechnic Institute de New York (EE.UU), Ron Sun; o catedrático de Filosofía e Ciencias da Computación da Escola de Finanzas e Xestión de Fráncfort (Alemaña), Gregory Wheeler; o catedrático de Ética Empresarial e director do Instituto de Ética en Intelixencia Artificial da Technical University of Munich (Alemaña), Christoph Lütge; a profesora da Facultade de Biomédicas da University of West London (Reino Unido), Paula Boddington; o catedrático de Humanidades da University of Florida (EE.UU), Cameron Buckner; e o profesor do Centro para Estudos da Ciencia da Aarhus Univesity (Dinamarca), Rune Nyrup.
As persoas interesadas en participar neste evento que se enmarca dentro das XXX Xornadas de Filosofía e Metodoloxía Actual da Ciencia terán que enviar un correo electrónico cos seus datos persoais a jornadas.filosofia.ciencia@udc.es ou ben chamar ao 881 01 3814 antes das 14:00 horas do venres 21 de febreiro. O prezo da matrícula oscila entre os 40 e os 80 euros, dependendo de se a persoa inscrita pertence á comunidade universitaria ou ao ámbito profesional.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento. Entre 2019 e 2024 investiuse un total de 2,6 millóns de euros, permitindo a realización de 159 accións formativas e case 469.000 horas lectivas.
O 58% dos 855 ciclos de Formación Profesional ofertados para o próximo curso en Galicia complétanse na primeira adxudicación de prazas pechada onte pola Consellería de Educación, Ciencia, Universidades e FP, e que dá dereito a matricula. Segundo os datos recabados, un total de 56.049 persoas presentaron solicitude para cursar algunha modalidade de Formación Profesional, o que representa un incremento do 3,5% (1.898 solicitudes máis) con respecto ao curso 2024-25, e supón acadar de novo un máximo histórico que confirma o interese que espertan estas ensinanzas.
