miércoles, 30 de abril de 2025
As xornadas inauguráronse este xoves na Facultade de Dereito nun acto que presidiu o reitor Antonio López Díaz e no que tamén participaron a secretaria xeral da Universidade de Santiago de Compostela e presidenta do Grupo de Traballo de Protección de Datos da CRUE, Dulce Mª García Mella; o secretario xeral de Universidades, José Alberto Díez de Castro; o director da Axencia para a Modernización Tecnolóxica de Galicia, Julián Cerviño Iglesias, e o letrado oficial maior do Parlamento de Galicia, Xosé Antón Sarmiento Méndez.
Tal e como explicaron as persoas organizadoras, nunha sociedade cada vez máis dixitalizada, marcada polo desenvolvemento disruptivo e imparable das novas tecnoloxías, faise imprescindible crear espazos de discusión que sirvan para reflexionar sobre os novos desafíos aos que deben enfrontarse as administracións públicas en xeral e as universidades en particular.
De aí que as xornadas comezasen por examinar o posible impacto derivado da posta en marcha de sistemas de Intelixencia Artificial no ámbito universitario, con especial referencia ás implicacións que isto poida xerar no dereito á protección de datos persoais. Así, profundarase no impacto que ten a intelixencia artificial neste campo, analizando os puntos clave contidos no Regulamento de IA, a necesidade de afrontar o seu desenvolvemento atendendo a principios éticos e os retos que formula a súa utilización en materia de investigación.
Na xornada do xoves analízase tamén, desde una dobre dimensión teórico-práctica, como deben levarse a cabo as avaliacións de impacto no ámbito universitario.
Segunda xornada en Fonseca e clausura
Este venres 21, segundo día das xornadas que pasarán a desenvolverse no Salón Nobre do Colexio de Fonseca, dedicarase ao estudo e debate de dúas cuestións de gran relevancia actual, como son a necesidade de garantir unha adecuada protección aos datos persoais que se comunican a través dos canais de denuncias das Universidades de acordo coa Lei 2/2023 e a maneira na que debe aplicarse o novo Esquema Nacional de Seguridade na comunidade universitaria.
Nestas xornadas participan numerosos expertos de universidades de todo o Estado así como da Representación Permanente de España ante a UE para a Transformación Dixital, do CSIC, da Axencia Española de Protección de Datos e do Centro Criptolóxico Nacional- CERT.
As xornadas A protección de datos na Universidade ante os retos da Intelixencia Artificial e da ciberseguridade. Unha análise dende a protección dos dereitos fundamentais clausuraranse este venres, ás 13.30 horas no Salón Nobre de Fonseca, nun acto que presidirá a secretaria xeral da USC, Dulce María García Mella, a secretaria da Comisión Delegada do Grupo de Traballo de DPD de CRUE-Secretarías Xerais, Margarita Martínez-Pais Loscertales, e o delegado de Protección de Datos da USC e coordinador das xornadas, Marcos Almeida Cerreda.
O conselleiro do Mar, Alfonso Villares, defendeu unha reforma da Política Pesqueira Común (PPC) para que esta se adapte ás necesidades da cadea mar-industria galega. Esta reforma debe incluír unha rexionalización da normativa europea e, por tanto, ter en conta as propostas e participación proactiva das autoridades rexionais na futura toma de decisións que se leven a cabo en Bruxelas neste senso. Así o expuxo este martes na reunión mantida ao máis alto nivel polo Comisario de Pesca e Océanos, Costas Kadis, co ministro de Agricultura, Pesca e Alimentación, Luis Planas, os responsables das comunidades autónomas do ramo, e as entidades representantes do sector pesqueiro, acuícola e das mulleres.
O presidente da Xunta, Alfonso Rueda, informou de que o Executivo autonómico aprobou hoxe 'solicitar formalmente un informe ao Consello Consultivo de Galicia' sobre 'as posibilidades legais' do traspaso das competencias para xestionar os permisos de traballo das persoas doutros países. O obxectivo é avaliar a posibilidade de asumir esta función en tres áreas concretas: as autorizacións iniciais para que unha persoa estranxeira poida traballar na comunidade, os permisos para traballos de tempada e os de larga estancia por motivos de estudos ou formación.
