sábado, 2 de mayo de 2026
A inauguración será este mércores ás 9.00 horas no Salón de Actos, coa presenza dos profesores David Walsh e mais David Canter. Nestas primeiras sesións, Walsh falará da entrevista de investigación e Canter referirase a como se elabora un perfil xeográfico e como se desenvolve a análise espacial. A inauguración oficial será ás 15.00 horas coa presenza de Donna Youngs, John Synnott e Paulo Barbora Marques, que estarán acompañados polo profesor de Dereito Penal e Criminoloxía da USC Gumersindo Guinarte, en representación do Instituto de Criminoloxía da Universidade compostelá.
A aplicación de novas tecnoloxías na investigación psicolóxica aplicada á loita contra o crime e o cibercrime e a actualización de métodos de investigación son algúns dos eixos deste encontro internacional no que se ofrecen conferencias plenarias, sesións de posters e sesións de traballo ao longo de tres días, nos que se presentarán novidades na abordaxe da violencia doméstica, a avaliación psicolóxica forense, a ciberviolencia e o ciberacoso ou os timos coñecidos como phishing, para ofrecer a mellor atención psicolóxica posible ás vítimas.
O venres terá lugar a partir das 13.30 horas a clausura oficial da Conferencia, pero entre as 14.00 e as 18.00 horas haberá aínda sesións prácticas. A primeira delas a cargo do profesor da Facultade de Psicoloxía compostelá Ramón Arce, que analizará a avaliación do dano psicolóxico aplicando técnicas forenses; Jodi Quas amosará as mellores prácticas nos interrogatorios a vítimas e testemuñas adolescentes e a última sesión estudará a violencia de xénero facilitada pola tecnoloxía, analizando o perfil de vítimas, a autoría e o feito criminal, a cargo de María José Garrido, Lidia Alonso Corona, Neus Mascaró Coll e Laura Sánchez Morón, da Secretaría de Estado de Seguridade.
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
