sábado, 24 de octubre de 2026
Educación Editora é a entidade organizadora do evento, estando o seu comité organizador formado polo profesorado da Universidade de Vigo Pedro Membiela e Mercedes Suárez (Facultade de Educación e Traballo Social do campus de Ourense) e Benito Vázquez (Escola de EnxeñarÃa Industrial do campus de Vigo). Forman parte do comité cientÃfico deste simposio máis dunha trintena de especialistas de universidades de España, Portugal, Francia, Alemaña, Italia, Chile, Venezuela, Arxentina, México e Brasil. Co prazo de inscrición aÃnda aberto pero tendo en conta a participación en anteriores edicións, a organización do simposio agarda que asistan a el arredor de 200 persoas, principalmente vinculadas á investigación no eido das ciencias, como profesorado universitario, investigadoras e investigadores e alumnado de doutoramento interesado nas liñas de traballo que se abordarán na cita. “O simposio está aberto á inscrición de todas aquelas persoas interesadas no ensino das ciencias”, indican as e os seus promotores.
Novos e vellos retos
O VI Simposio Internacional de Ensino das Ciencias, sinalan desde a súa organización, celébrase tendo en conta que cada ano “hai novos retos” no seu eido de traballo “e faise necesario revisar as nosas perspectivas no que é a calidade e mellora do ensino das ciencias”. É moi importante, engaden as e os responsables da cita, “difundir as experiencias investigadoras e/ou innovadoras e o intercambio de experiencias” pois, comentan, “axuda a mellorar a práctica do ensino das ciencias”.
“Este simposio sempre foi on line, á marxe da pandemia, pois pensamos que o presencial e o virtual son dúas orientacións complementarias, cada unha ten as súas vantaxes e inconvintes, ofrecen posibilidades diferentes”, explica Pedro Membiela. AsÃ, por exemplo, subliña como o formato virtual permite neste tipo de accións contar con relatoras e relatores e asistentes que en caso de ser presencial non serÃa posible, polas dificultades de dispoñibilidade e custes que supón superar a distancia xeográfica.
Seguindo a liña de traballo de anos anteriores, a programación desenvolverase en catro tardes consecutivas, contando cada sesión cunha parte de foro, outra de mesa redonda e outra de presentación de comunicacións orais, co obxectivo de fomentar a participación e o diálogo. Sobre os contidos que se abordarán, Pedro Membiela destaca que “seguimos un criterio amplo, non restritivo, abranguendo a diversidade deste ámbito de investigación arredor do ensino das ciencias”. Porén, apunta, en cada edición sempre hai algunha temática de actualidade, como pode ser a nova orientación do sistema educativo cara o fomento das disciplinas STEM ou o impulso do ensino virtual. “Os tempos traen novidades e por exemplo a pandemia ten incidido bastante no sistema educativo, e polo tanto no ensino das ciencias”, comenta o profesor de Educación e Traballo Social.
Pedro Membiela adiante que dous serán “os grandes temas” das sesións do simposio, o primeiro o presente e futuro da investigación no ensino das ciencias e o segundo o presente e o futuro de ser profesor ou profesora de ciencias. Dúas das tarden achegaranse a estes ámbitos tendo como idioma principal o inglés e outras dúas o castelán e portugués, atendendo ao carácter internacional, aÃnda que predominantemente destinado á cultura hispano e luso falante, do simposio. Ao longo das sesións, engaden desde a súa organización, tamén se reflexionará sobre a propia investigación arredor do ensino das ciencias, das súas condicións e dificultades actuais. “Os retos do ensino das ciencias e da investigación nel son en xeral os mesmos que afronta o ensino no seu conxunto”, apunta Pedro Membiela. Tras o impacto da covid-19, sinala, “de algunha maneira precisamos resituármonos nun escenario sen pandemia ou cunha pandemia controlada no que as condicións para ensinar e para aprender volven a certa normalidade pero nas que o pasou deixou marca”. Hai moitas cousas que eran importantes antes da pandemia, afirma, e que o seguen sendo, e hai outras novas que entran no seu escenario.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañÃas, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artÃstico durante a presentación.
