jueves, 26 de marzo de 2026
A Deputación de Lugo enmarca estas xornadas dentro da súa aposta polos recursos naturais como oportunidade de desenvolvemento económico para a provincia. Apoia este ciclo con 4.000, unha cantidade que permite que se celebre un ano máis o congreso, dentro do firme compromiso da institución provincial coa divulgación e investigación científica, sobre todo no ámbito da sustentabilidade medioambiental. A asistencia é gratuíta e, por primeira vez, as xornadas serán online e poderanse seguir a través de Zoom.
As charlas comezarán o vindeiro luns, 16 de novembro, coa xornada inaugural, e continuarán os días 17, 18, 23, 24, 25 e 30 deste mes. Todas as ponencias están previstas para as 19:00 horas, unha vez que a persoa estea anotada remitiráselle o enlace de conexión a cada unha delas.
Este ciclo organízanse dende 1989 coa Real Academia Galega de Ciencias, conta coa colaboración da Universidade de Santiago e está recoñecido pola Consellería de Educación, Universidade e Formación Profesional como actividade de formación do profesorado non universitario. Cada ano aportan a análise de expertos no campo das ciencias medioambientais.
Programa
Luns,16 de novembro 19:00 horas
Terá lugar a inauguración e a conferencia inaugural a cargo do doutor enxeñeiro de montes e catedrático da Escola Politécnica Superior de Enxeñaría de Lugo (USC) e membro de número da Real Academia de Ciencias, Antonio Rigueiro, que se centrará nos sistemas silvopastorais e das prácticas silvoecolóxicas sostibles.
Martes, 17 de novembro 19:00 horas
O arquitecto e diplomado en Xestión de Proxectos de Arquitectura en Bioconstrución e socio activo de ESPIGA (Asociación Galega para a Bioconstrución), Víctor González García-Echave, abordará a bioconstrución e as estruturas de madeira.
Mércores, 18 de novembro 19:00 horas
Será a quenda de falar sobre a gandería ecoloxía como chave no goberno de agoecosistemas. A conferencia será a cargo de Carmelo García Romero, doutor en Veterinaria e funcionario da Consellería de Agricultura e Medio Ambiente de Castela A Mancha. É membro da Real Academia de Ciencias Veterinarias e vicepresidente da Sociedad Española de Agricultura Ecológica (SEAE).
Luns, 23 de novembro 19:00 horas
A conferencia titúlase Os ciclos virtuosos da materia orgánica, metabolismos e sistemas alimentarios e impartiraa Franco Llobera Serra, da asociación profesional Economías BioRegionales. É membro da Sociedad Española de Agricultura Ecológica (SEAE), e asesor, formador e prospector da Red de Municipios Agroecológicos TERRAE. Ademais, forma parte do panel de expertos de Bioeconomía Circular e Agroecoloxía do Consejo Superior de Investigaciones Científicas (CSIC).
Martes, 24 de novembro 19:00 horas
Este día abordarase o papel das administracións públicas como mediadoras e facilitadoras na biointensificación. Será impartida por Xabier Bruña García, enxeñeiro de Montes e Educador Social, e funcionario da Xunta de Galicia.
Mércores, 25 de novembro 19:00 horas
A doutora enxeñeira agrónoma, catedrática da Universidade Politécnica de Valencia, e vicepresidenta da Sociedade Española de Agricultura Ecolóxica (SEAE), María Dolores Raigón Jiménez, falará sobre as vantaxes e diferenzas nutricionais dos alimentos ecolóxicos.
Luns, 30 de novembro 19:00 horas
Xan Neira Seijo, doutor en Enxeñería Agrónoma, profesor titular da Escola Politécnica Superior de Enxeñaría da USC e membro da Sociedade Galega de Agroecoloxía (SOGA), centrará a súa conferencia nas vernatopías e a nova ruralidade.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, na que se rescatan os saberes ancestrais de tres líderes nativos das primeiras nacións americanas.
O Centro Dramático Galego amplía desde esta semana a experiencia de exhibición do seu novo espectáculo, Hamlet, cunha programación paralela que incorpora tres pases de Mala vida e pior morte de Ricardo III, os días 25 de marzo, 1 e 8 de abril ás 20,30 horas, e, por outra, unha nova entrega das ImproVersións a través da proposta A propósito de William, que levará a cabo o colectivo Improversados os domingos 29 de marzo e 5, 12, 19 e 26 de abril á mesma hora. O desenvolvemento desta programación expandida completarase cunha acción especial na véspera do Día Mundial do Teatro, que reunirá o xoves 26 de marzo preto de 73 estudantes de secundaria e ensinanzas escénicas.
