sábado, 14 de marzo de 2026
“A utilización da máscara en todas as situacións, na medida en que visibiliza a pandemia, axuda a controlala”, afirma Caamaño Isorna.
Locais de ocio
Sacar a máscara facial só no intre mesmo de consumir é unha das novidades que acaba de incorporarse á vida cotiá na comunidade galega. “Debemos sacala puntualmente para consumir, pero mantela posta mentres charlamos ou participamos da conversación”, matiza Caamaño, “é fundamental que cambiemos o noso xeito de relacionarmos, non se nos pide nada imposible”, continúa. Para este profesor da USC, “o determinante é a actitude social” e subliña o importante que resulta reparar no ocio nocturno. “Hai un problema grave co ocio nocturno, tendo a crer que é incompatible coa situación epidemiolóxica actual”, explica.
Praias
A obrigatoriedade do uso da máscara facial nos areais, podendo só prescindir dela á hora de tomar o sol ou no intre mesmo do baño, é outra das máis recentes novidades en Galicia. “Cando esteamos deitados na area co noso grupo de convivintes debemos manternos a dous metros de outros grupos. Sempre que paseemos ou recibamos a alguén no noso grupo debemos poñer a máscara”, sinala Caamaño. O profesor da USC destaca que “debemos procurar minimizar o contacto estreito con non convivintes, como en calquera outra situación nesta nova normalidade”.
Transmisión
Nas últimas semanas, diversos especialistas apuntan cara a unha posible transmisión do virus polo aire. “É unha cuestión semántica. A principal vÃa de transmisión son as gotas, pode haber unha transmisión por aire oportunista ou por aerosois en contextos moi especÃficos”, matiza Caamaño. “O problema é que se falamos de transmisión por aire a maior parte da xente pensará na tuberculose, o sarampelo ou a varicela e a transmisión da COVID-19 esta moi lonxe dese mecanismo”, engade. “Probablemente en Galicia neste momento non hai transmisión comunitaria. En calquera caso, debemos estar alerta xa que a situación pode cambiar en calquera momento”, conclúe o epidemiólogo.
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola ConsellerÃa de PolÃtica Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanÃa coa ciencia inspirándose no espÃrito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura cientÃfica, fomentar o interese pola investigación e fortalecer a relación entre ciencia e cidadanÃa.
