martes, 24 de junio de 2025
“Illa rota. Da II República ao franquismo” peneira na parte que se puido recuperar do arquivo fotográfico de Juan Cancelo (1892-1987), coruñés que colaborou en varias cabeceiras aÃnda que foi en El Ideal Gallego onde acadou sona de ser o primeiro fotoxornalista da prensa galega.
Outro fotógrafo da Coruña, José Caruncho, foi o encargado da selección do material que conforma a exposición e permite seguir as mudanzas e problemas da cidade da Coruña. A través dun centenar de fotografÃas recóllense tanto escenas das elites e grupos de poder, como a vida nas rúas, os baños nas praias da cidade, os bailes, o lecer das corridas de touros e dos deportes, e a vida dura das clases populares. A mostra estará aberta ata o vindeiro 30 de marzo na sala de exposicións do Concello da Coruña.
O conselleiro de Presidencia, Xustiza e Deportes, Diego Calvo, anunciou hoxe que o Consello acordou que 'iniciar a elaboración dos orzamentos da comunidade autónoma para o vindeiro ano'. Deste xeito, o Executivo autonómico avaliou un informe presentado pola ConsellerÃa de Facenda e Administración Pública sobre a Orde pola que se ditan instrucións para a elaboración dos presupostos de 2026, que marcan as bases do Plan financeiro do Goberno galego para o ano próximo. Calvo resaltou que mentres Galicia 'comeza a traballar nas contas de 2026, o Goberno de España segue funcionando coas de 2023'.
O Consello da Xunta aprobou o decreto que declara Ben de Interese Cultural a Ofrenda do Antigo Reino de Galicia ao considerar acreditado o seu valor sobranceiro como patrimonio inmaterial do pobo galego, o que supón a aplicación do réxime de tutela da Lei de Patrimonio cultural e, polo tanto, o maior nivel de protección. Esta declaración chega tras recibir os informes favorables dos catro órganos aos que se lle solicitou: o Consello da Cultura Galega, o Museo do Pobo galego, o Instituto de Estudos Galegos Padre Sarmiento e a Facultade de Humanidades da Universidade de Santiago de Compostela. Ademais, no proceso de exposición pública para o seu recoñecemento non rexistrou ningunha alegación.
