Buscador
Noticias
Teatro do Noroeste celebra o seu 30º aniversario con catro funcións de Estado de graza en Santiago de Compostela. O Teatro Principal da capital galega acolle este espectáculo, do xoves 16 ao domingo 19 de febreiro, coas dúas primeiras funcións inseridas na programación da Rede Galega de Teatros e Auditorios. A difícil relación entre unha filla que ansía a liberdade e unha nai dominada polas crenzas relixiosas máis profundas é o eixo temático.
O dramaturgo arxentino presenta Muerte y reencarnación en un cowboy, un traballo corrosivo e irreverente que supón unha das súas obras cumio. A Cidade da Cultura despide con este traballo a terceira edición de Escenas do Cambio, que contou con 25 pezas procedentes de 10 países diferentes e no que Galicia foi protagonista con compañías como Chévere ou Matarile.
A musicóloga, investigadora e profesora titular da UCM, Cristina Bordas e o artesán e restaurador de instrumentos antigos de vento, Oli Xiráldez, participan na xornada Metodoloxía e criterios sobre restauración de instrumentos históricos. Estado da cuestión en Galicia, prevista para o día 15 de febreiro no Consello da Cultura Galega.
O Concello de Santiago vai colaborar coas emisoras de radio de Compostela na celebración do Día Mundial da Radio, o 13 de febreiro. Por ese motivo, os semáforos de varias rúas da cidade utilizarán durante varios días as voces dos locutores dos programas locais, as mesmas que acompañan a diario aos oíntes da capital galega.
Cunha duración aproximada de dúas horas por sesión e carácter gratuíto, ofertarase a posibilidade de conectar o saber investigador do profesorado que as imparte (escritura literaria, crítica ou divulgación) cos intereses dun alumnado curioso pola escritura, a investigación e o coñecemento xeral no terreo literario. Estas xornadas abertas celebraranse os días 13 e 22 de febreiro, 22 de marzo e 19 de abril no Campus Norte de Compostela.
O novo método, que mellora todas as técnicas dispoñibles, atraeu xa a atención de investigadores do prestixioso Massachusetts Institute of Technology (MIT). Desenvolvido por investigadores do programa de e-Saúde do CiTIUS, publícase no IEEE Journal of Biomedical and Health Informatics.
Baixo o título Santiago invisible, o Consorcio de Santiago e a Editorial Galaxia acaban de publicar un proxecto fotográfico, literario e musical centrado na cidade de Santiago e cuxos beneficios se destinarán ao Fondo de Emerxencias de Médicos Sin Fronteras.
O alcalde da Coruña salienta que os actos da Conferencia de Cidades do Arco Atlántico que terán lugar na Coruña desde o venres 10 de febreiro e"demostran o seu peso a nivel estatal e internacional", así como a vontade do Goberno local "de aproximar A Coruña ao mundo, de traballar en rede e de cooperar con outras cidades".
O espectáculo preséntase ao público os días 10, 11 e 12, despois do período de residencia técnico-artística que está a desenvolver no mesmo escenario. En Desconexión, o individuo 724/2013 FK3 cumpre a súa condena conectado a un semáforo regulando o tránsito de peóns. Ten dobre personalidade: cando viste traxe verde é amable e deixa pasar; con traxe vermello é malencarado e manda parar.
O novo portal de Turismo é unha das iniciativas do Smart Turismo, un plan a cinco anos, dotado con 10 millóns de euros para modernizar o sector e impulsar a Galicia como destino turístico. A nova web que mellora a súa consulta dende dispositivos móbiles, facilita a navegación e aumenta a interacción co turista e a visibilidade das empresas.
