Notas de prensa

A Xunta reafirma a súa aposta pola innovación co novo portal web de promoción turística de Galicia

O novo portal de Turismo é unha das iniciativas do Smart Turismo, un plan a cinco anos, dotado con 10 millóns de euros para modernizar o sector e impulsar a Galicia como destino turístico. A nova web que mellora a súa consulta dende dispositivos móbiles, facilita a navegación e aumenta a interacción co turista e a visibilidade das empresas.

A directora de Turismo de Galicia, Nava Castro, e a directora da Axencia para a Modernización Tecnolóxica de Galicia (Amtega), Mar Pereira, presentaron o novo portal web de promoción turística de Galicia (www.turismo.gal) que mellora a súa consulta dende dispositivos móbiles, facilita a navegación, prioriza o emprego da fotografía como argumento de atracción e incrementa a visibilidade das empresas turísticas do sector.

Durante a rolda de prensa de presentación, a directora de Turismo de Galicia destacou que a través deste novo portal fortalecerase a difusión, tanto a nivel nacional coma internacional, de Galicia coma destino turístico a través das ferramentas que achegan as novas tecnoloxías, das cales afirmou, constitúen os instrumentos máis importantes para a promoción de destinos turísticos e que responden ás necesidades tanto para a captación de novos turistas coma a fidelización daqueles que xa teñen visitado Galicia.

Nava Castro sinalou que esta renovación é necesaria debido ao novo contexto de consumo das novas tecnoloxías por parte dos turistas e usuarios, no que os dispositivos móbiles cobran cada día máis importancia, sobre todo nos períodos de lecer e vacacionais, ben pola comodidade do seu emprego como pola explotación das ferramentas de xeolocalización.

Neste senso, a responsable de Turismo da Xunta manifestou que a través deste novo portal proxectarase unha imaxe dinámica, atractiva e vangardista de Galicia.

“Unha importante actuación máis que reafirma a aposta da Xunta de Galicia pola innovación e que permitirá avanzar na consolidación dun sector turístico galego competitivo, proactivo, innovador e coordinado, cunha visión internacional”, concluíu.

Pola súa parte, a directora da Amtega, Mar Pereira, lembrou que o novo portal de Turismo é unha das iniciativas do Smart Turismo, un plan a cinco anos, dotado con 10 millóns de euros, para desenvolver iniciativas tecnolóxicas e innovadoras que axuden a modernizar o sector e impulsar a Galicia como destino turístico.

Pereira resaltou que o Plan Smart Turismo ten xa en marcha diferentes ferramentas, como Turespazo, a extranet do sector, unha canle dixital para facilitarlle a xestión online da súa información administrativa e tamén a difusión da súa información promocional e a comercialización dos seus produtos. Desde a súa posta en marcha permitiu a xestión online de preto de 7.000 expedientes a 111 empresas do sector que colaboraron coa Administración na posta en marcha desta plataforma.

A directora da Amtega destacou tamén o desenvolvemento de SmartCamiño, a liña do Plan que configura un modelo intelixente de Camiño de Santiago e que xira en torno a web, caminodesantiago.gal, e aplicación que se publicaron na primavera de 2016. En menos dun ano a web leva rexistradas preto de 230.000 visitas e a aplicación máis de 7.500 descargas. Ademais, dentro desta liña de actuación dotouse de wifi ao 100% dos albergues públicos do Camiño.

Novidades do portal

Unha das principais novidades desta renovación do portal web de promoción turística de Galicia é a mellora da súa consulta dende dispositivos móbiles, fundamental xa que na actualidade case o 60% das visitas que recibe esta web proceden de usuarios que empregan dispositivos móbiles

Así mesmo, a nova imaxe do portal leva consigo o incremento da facilidade na navegación e na consulta de contidos para que os usuario podan atopar sen dificultade os diversos produtos turísticos e destinos ofrecendo, ademais, os contidos nun total de 7 idiomas.

Por outra parte, o novo portal prioriza o emprego da fotografía e do vídeo como argumento de atracción poñendo en valor a biblioteca de imaxe e ofrecendo unha plataforma de xestión de contidos multimedia.

Ademais, esta web aumenta da interacción co turista, de maneira que, ademais de planificar a súa viaxe, pode participar a manter a calidade da información, e incrementa a visibilidade das empresas turísticas axudando ao sector para a comercialización dos seus produtos turísticos.

Todo isto acompañado de completa información de máis de 30.000 recursos, un total de 278 rutas turísticas e de senderismo, 78 experiencias, 120 destinos destacados, máis de 3.500 aloxamentos e 12.400 establecementos de restauración que permiten o coñecemento do destino dende o punto de vista da riqueza patrimonial e cultural e achegando as ferramentas e información necesarias para organizar e planificar a viaxe a Galicia.

Gabinete de Comunicación da Xunta de Galicia, 2017-02-07

Actualidad

Foto del resto de noticias (pedro_duque_ninos.jpg) El astronauta Pedro Duque ha estado en Santiago de Compostela para participar en la inauguración de la jornada educativa Stemlab Galicia, en la que cerca de 3.000 alumnos de 18 centros educativos han mostrado y compartido sus creaciones relacionadas con ciencia y tecnología. Galicia entrará en la red de oficinas de educación de la Agencia Espacial Europea para fomentar las vocaciones científicas juveniles.
Foto de la tercera plana (yotubeiros.jpg) Youtubeir@s es una iniciativa organizada por los servicios de normalización lingüística de los ayuntamientos de la Baña, Ames, Carballo, Ourense, Pontevedra, Ribadeo, Santiago, Teo y O Grove, las universidades de A Coruña, Santiago y Vigo y la Diputación de A Coruña. El Teatro Colón da Coruña acogió la gala de entrega de los Premios Youtubeir@s conducida por la compañía teatral A Panadaría.

Notas

O presidente da Xunta acompañou á S.M. a raíña Dona Sofía ao acto de celebración do centenario da Real Institución Benéfico Social Padre Rubinos. Afirma que a entidade dunha nación ou comunidade non só se mide por magnitudes económicas, senón sobre todo polo que se podería denominar produto interior de solidariedade.
A Xunta canaliza a súa achega a esta mostra internacional de documentais a través da convocatoria de subvencións a festivais audiovisuais. O programa deste ano estende a súa duración a seis días, do 26 de abril ao 1 de maio, ademais de aumentar o número de actividades e os filmes de estrea, entre outras novidades.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania