Buscador
Noticias
Persoal investigador das tres universidades galegas e de catro irlandesas así como poetas e artistas dos dous países danse cita o xoves 15 de decembro na Facultade de Filoloxía de Santiago de Compostela no Seminario Internacional Eco-Ficcións para presentar as achegas máis recentes da ecocrítica e as humanidades medio ambientais.
Permanent vacation abre o ciclo dedicado ao cineasta estadounidense, que terá a súa continuación á volta do Nadal. Extraños en el paraíso, Bajo el peso de la ley e Mystery Train exhibiranse tamén nesta primeira quenda, mentres que en xaneiro poderán verse Noche en la tierra, Dead man e Gimme Danger.
Os seis proxectos seleccionados entre 40 iniciativas presentadas a este evento están orientados a mellorar a calidade de vida de persoas con diabetes, á educación nas aulas, aos coidados de enfermos de Alzheimer, á alfabetización das persoas maiores, ao tratamento de fobias e á xestión do traballo das confrarías de mariscadores.
Os actos conmemorativos do 150 aniversario do nacemento de Valle-Inclán (1866-2016) organizados pola Cátedra Valle-Inclán da USC clausuraranse este venres 16 con dous actos, ambos adscritos ao ciclo de conferencias e á exposición Valle-Inclán, xenio e figura, que pode visitarse no Colexio de Fonseca ata o 16 de decembro.
A Universidade de Santiago de Compostela presenta o seu proxecto de Campus da Cidadanía, no que se integran as diferentes áreas de coñecemento das Ciencias Sociais e Xurídicas, as Artes e as Humanidades nos campus universitarios de Compostela e Lugo. O proxecto impúlsase baixo o lema: A utopía no horizonte da cidadanía.
Grande parte das seccións de Ourense.gal preséntanse en formato blog, con apertura ás novas canles sociais, xeolocalización dos servizos municipais e un apartado de 'o alcalde responde'. Está aloxada en servidores locais e desenvolvida con software libre, o que fai que non estea suxeita a custes de licenzas.
Baixo a premisa de se as novas tecnoloxías supoñen unha ameaza ou unha oportunidade, o centro de coñecemento de La Molinera acolle este sábado a xornada Ourensemakerslab2016, un foro aberto para público de todas as idades cun denominador común: a curiosidade polo emprego das novas tecnoloxías.
O Centro de Investigación de Procesos e Prácticas Culturais Emerxentes (CIPPCE) da USC organiza o vindeiro 16 de decembro unha xornada de debate sobre autoorganización e cooperativismo cultural. O encontro, a desenvolver durante todo o día na Facultade de Filosofía, comezará cunha sesión dedicada á autoorganización.
Expourense acolle ata o vindeiro xoves 8 de decembro a 17ª edición de Megaxove, que ofrecerá máis de 150 actividades de lecer e deportivas que converterán ó recinto no punto de encontro da mocidade galega. Nunha superficie de 8.000 metros cadrados danse cita 26 expositores entre federacións e clubes deportivos, asociacións culturais e xuvenís de toda Galicia.
A X Edición da Feira de Artesanía e Antigüidades da Pontenova que terá lugar os días 8, 9, 10 e 11 de decembro, acolle este ano unha novidosa cita. O sábado 10, dende as 10:30 horas e ata 16:30 horas, a Casa da Cultura será o escenario da primeira Xornada de Tendencias: repensar, reciclar, renovar.
