A relaxing cup of café con leche

Desde o Preguntoiro

Esta frase ca que comezo este artigo xa é famosa nas redes sociais, dita pola Alcaldesa de Madrid a Sra. Botella en Bos Aires ante os membros do COI. Tanto esta señora como o discurso de Mariano I (el triste) foron patéticos, pensaban que a xente no estranxeiro non se decataban do mamoneo que estamos vivindo aquí cun goberno de corruptos. Cómo se pode falar de recuperación económica?. Pero quen vai crer a esta tropa dicindo que España é solvente para facer uns JJOO, pensan que o mundo non sabe que menten máis que falan.

Non se dan conta que a crise (estafa), corrupción e permisividade no dopaxe foron as trabas para a candidatura de Madrid, pero o máis triste é que nin sequera son capaces de facer unha autocrítica do patético daquela xuntanza, só lle falta dicir que toda a culpa a teñen os “comunistas e os masóns” facendo revivir aquel casposo do branco e negro dos NODOS franquistas.

Agora coa descualificación dos JJOO xa non terán a droga social e política, xa non poden imitar a Cáligula con “Pan e Circo” dicindo que o 91 por cento dos españois secundaba a celebración da Olimpíada en Madrid, quizais volvan outra vez a desviar a atención con Xibraltar.

O que nos debería importar, é que hoxe seguirán o Mariano I (el triste) e a Sra. Bottle, ante este espectáculo non deberían saír xamais á rúa. Por certo, saberemos os cidadáns a factura de toda a tropa (máis de 300 persoas o dobre que Tokio e Estambul xuntos) que foi a Bos Aires cos cartos do erario público (viaxes, comidas, hoteis, bebidas, todo tren), incluída a actriz Amaia Salamana ( non sei que pintaba alí).

Isto é o que é ser un partido troleiro e deshonesto, que pode enganar e engaiolar a certa clase estúpida deste país pero ao final remata sendo retratado, iso si, por un organismo internacional.