Opinión en Galicia

Buscador


autor opinión

Editorial

Ver todos los editoriales »

Archivo

Avelino Pousa Antelo, coa navalla do Manuel

miércoles, 28 de agosto de 2013
“A navalla do Manuel”, para Avelino

Tódolos anos, na Campa da Santa Isabel de Outeiro de Rei, se celebra o rito da “Navalla do Manuel”, precisamente o día do cabodano de Manuel María, no corazón da súa terra natal.

O Manuel tiña adoración polas navallas e unha importante colección destes artiluxios tan útiles para os galegos doutrora, tan simbólica para os galegos de hoxe, e por eso cada ano que imos celebrar a súa lembranza na Santa Isabel, despois de renderlle homenaxe floral e poética no cemiterio de Outeiro de Rei, acudimos á navalla – “A navalla do Manuel” – para cortar o pan e o queixo que compartimos comunitariamente, nun xeito de celebración de amizade e confraternidade, na que o Manuel é a inspiración, o centro e a chamada.

É costume que neste acto – sempre Xermolos, sempre Alfonso Blanco – se entregue unha navalla a unha persoa que tivera relación co Manuel, que comulgue co que na Campa se celebra, e forme parte activa do círculo cada vez máis amplo da comunidade chairego/galega devota da súa terra. E cada ano, quen a recibíu o ano anterior, entrégalle unha nova navalla á persoa elixida que reúna esas condicións especiais.

Como eu recibira a navalla ese día do Señor (día do Manuel) do ano 2009, correspondeume entregarlla a Avelino o 8 de setembro de 2010. Daquela improvisei unhas palabras ás que nada quito nin engado, na honra de Avelino Pousa Antelo:

Está e a navalla do Manuel. Esta é unha ceremonia, física e mística á vez, na que a Irmandade Manuel María simboliza nunha navalla o espírito que nos anima en sintonia co Manuel vivo por sempre.

Entón, esta ceremonia física da entrega da navalla, é a testemuña dunha emoción mística, de transmisión espiritual, da forza do espirito que anima a esta entidade, baseada na presencia do Manuel e no amor á terra.

Honráronme o ano pasado ao recibir esta navalla. Hónrame hoxe tanto coma daquela facerlle entrega desta navalla a Avelino Pousa Antelo, un rapaz do que ainda esperamos moitísimo, que é o vínculo cos devanceiros, a conexión coa historia e coa lexitimidade que ven do pasado hacía o fúturo nun presente de vida e señorío, tanto no persoal e íntimo como en todo o que se refire á súa actividade pública. É un home noso, amigo de todos nós, que tanto aínda ten que decir, e que tantisimo leva dito e feito.

Para Avelino, por merecela e sentila como ninguén, “a navalla do Manuel”.

(Publicado por XERMOLOS no especial dedicado a AVELINO POUSA ANTELO no primeiro cabodano da súa morte).
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania