Feira do libro de Foz

Este sábado inaugúrase a XXVIII Feira do Libro, programación que hai 27 anos ven celebrándose, sen faltar a unha soa edición.

Cando en 1986 xestionouse a implantación da mesma, co proxecto de continuidade, xurdiran serias dúbidas sobre a súa viabilidade pois outras feneceran en prazas de maior entidade.

O do libro é un mundo complexo e difícil, sobremaneira onde, coma en Galicia, o índice de lectura é francamente baixo Pero o tempo situou ó certame focego como o mais exitoso dos que teñen lugar en vilas, e decano deles.… Pode decirse que para a vila trátase do evento cultural mais importante da súa historia, se atendemos a consideracións puramente obxetivas: é o que mais perdura no tempo; o de maior participación (ao longo das 27 xa celebradas foron milleiros os/as visitantes) e o acontecemento que trouxo ó pobo un maior número de xente da cultura, xa como pregoeiros, conferenciantes, presentando e asinando libros, rapsodas, relatores, contacontos…

Nesta ocasión será a bisbarra de Alfoz e Valadouro a que teña un especial protagonismo : Pregoará a Feira o coñecido escritor e prestixoso actor alfocense Manuel Lourenzo, que asemade presenta o libro da súa.autoría “As luces do castelo”; por outra banda Lionel Rexes amosa o seu curioso traballo de investigación.”Ditos e refráns do Valadouro”, ambas publicacións do Seminario de Estudos do Valadouro... E tamén terá unha notoria presencia o que está sendo un éxito sen precedentes na historia editorial da Mariña: “Lembranzas musicais do Valadouro “, obra na que Paco Piñeiro e Paz Rodríguez realizaron esforzos titánicos para ofrecer o mais completo e fiel tratado do que o cronista define como “a epopeia musical que perante un século escribiron as xentes daquelas terras” das que, que saibamos, non existe parangón.

Témolo por caso único, en espacio territorial e humano tan reducido. Alédanos a presencia destes vellos amigos no certame focego aínda que, por esta vez, non podamos disfrutar de tan desexada e grata velada,