Opinión en Galicia

Buscador


autor opinión

Editorial

Ver todos los editoriales »

Archivo

Manuel, na lembranza

jueves, 08 de septiembre de 2005
Hai un ano que nos deixou Manuel María da Terra Chá.

Cando se encontraba no tempo feliz do descanso da tarefa burocrática, cando a súa traxectoria creadora era máis brillante, cando vivía na Coruña o tempo ledo do recoñecemento e da tranquilidade, fóisenos Manuel despois dun curto e rapidísimo proceso que nos deixou sen a voz máis fecunda e sonora da Galicia moderna.

O seu pasamento concitou hai un ano en Outeiro de Rei a centos de amigos e devotos, e orixinou unha serie de homenaxes que agora reviven co gallo do primeiro aniversario da súa morte.

Esta tarde, ás cinco e media, no cemiterio de Outeiro de Rei farase unha ofrenda de frores e lectura de poemas. Ás oito do serán, na Praza das Mulleres, de Vilalba, grande homenaxe co título de MANUEL MARÍA NA PALABRA E NO SON, no que participan Pilocha, Miro Casabella, A Quenlla, Lusco e Fusco, Pandeireteiras de Andrade, Buxos Verdes, Laura-Luis, e dúas ducias de escritores amigos que recitarán poemas do seu e noso "Terra Chá".

Un ano despois da súa morte, Manuel María segue vivo. As voces que hoxe se escoiten en Vilalba, serán voz de Manuel. É moito máis ca unha lembranza. É unha presencia viva a través da súa obra, dos seus amigos, da palabra e do son.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania