100.000 €

No Valadouro veñen de poñer precio a un pacto entre políticos, precisamente para garantir que o pacto sexa respectado.

Despois de case tres décadas de goberno do Partido Popular, a unión de Socialistas, Bloque e Independentes, vense de producir a alternancia que se concreta na tolerancia do Bloque á nova situación e ao acordo de Goberno entre Socialistas e Independentes.

E para garantir que ningunha das partes se volverá atrás no acordado, introducen unha cláusula económica segundo a que o membro que non se ateña ao pactado terá que indemnizar aos defraudados con 100.000€.

Sabiamos da fraxilidade dos acordos dos políticos, pero nunca como agora estiveron tan de manifesto. Quizais é a forma máis axeitada para plantear unha cuestión política, co diñeiro por diante. Se a palabra dos políticos se pon en cuestión, o respaldo económico servirá de aval ao que se está devaluando. Para empezar, 100.000€ non é unha mala cifra.