Sobres

En calquera conversación entre amigos, en calquera acto público distendido, se alguén menciona a palabra “sobre” sempre haberá quen indique que esa palabra é mellor non pronunciala, porque últimamente non está moi ben vista.

Eso que sempre houbo sobres que circularon polo mundo con mensaxes postais ou con diverso contido. Eso que sempre houbo sobres máis específicos que circulaban “baixo corda” por despachos empresariais ou da administración. Era algo sabido que os “sobres” movían vontades e conseguían cousas que parecían imposibles.

Pero parece como se o sistema tivera chegado ao seu punto máis elevado e non se puidera ir máis aló cos “sobres” que algún admite ter cobrado, e moitos máis calan, que circularon entre membros do Partido Popular como sobresoldos.

O tema non ten a maior importancia se a procedencia do diñeiro é lícita e aparece reflectica na contabilidade do Partido e nas declaracións dos perceptores, pero non acabamos de ter a evidencia clara – a confianza- de que nada hai que ocultar no sistema de retribucións complementario para xentes cunha especial responsabilidade.

Que outra cousa é que eses importes resulten ostensiblemente desproporcionados cos soldos medios do país, pero a esas diferencias todos estamos afeitos.