Opinión en Galicia

Buscador


autor opinión

Editorial

Ver todos los editoriales »

Archivo

Cámaras de Comercio

martes, 21 de mayo de 2013
En tempos, a Administración considerou necesario que houbese alomenos unha Cámara por provincia para fomentar temas relacionados co comercio e a industria, e nos casos de provincias con mar, navegación.

Para que puidesen cumprir os seus fins e ter o necesario poder económico, dotounas de financiación proporcional á facturación dos seus asociados, que ao ser de obrigatoria participación, deveu nunha parte proporcional da facturación global dos negocios de cada provincia.

Chegaron así a ser entidades poderosas, que tiñan garantidos os seus ingresos polos mesmos procedimentos que as entidades oficiais, con igual poder coercitivo para poder proceder contra os seus debedores, e polo tanto apetecibles lugares para empresarios destacados que loitaron intensamente por conseguir situarse no goberno destas entidades.

Pero todo rematou dun golpe cando o goberno suspendeu a afiliación obrigatoria de empresas, pola incongruencia posta de manifesto moito antes diante da existencia doutras entidades similares de afiliación voluntaria como as confederacións de empresarios.

A situación, agora mesmo, é crítica. Desasistidas do goberno, privadas do seu papel de organismo oficial, cos ingresos prácticamente desaparecidos e cunha elevada carga de persoal, a administración do estado e autonómica non queren involucrarse no tema e agardan que os empresarios –outrora tan interesados no seu goberno- queiran participar na súa salvación.

Mal panorama se vislumbra para unhas entidades que non souberon, nin tiveron ocasión, de actualizarse e buscar financiación e afiliación para cando esta afiliación deixase de ser obrigatoria. E polo que se ve ninguén vai facer ningún esforzo para que sigan existindo.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania