Opinión en Galicia

Buscador


autor opinión

Editorial

Ver todos los editoriales »

Archivo

Funcionarios que fichan

lunes, 20 de mayo de 2013
Andan os funcionarios da Xunta de Galicia un pouco revoltos polo novo sistema de ficha, como se iso tivera algunha importancia.

Antes que a ficha, foi a firma. E en cada departamento poñíase unha folla á primeira hora da mañá, na que ían asinando os traballadores segundo entraban na dependencia. Folla que era retirada polo responsable do tema a unha hora determinada.

Logo foron as fichas persoais as que se introducían nun aparato que acreditaba que esa ficha fora utilizada nun determinado momento. E nada máis.

Agora, un paso máis, cada funcionario debe acreditar a súa presencia a través do seu ordenador de traballo. Novo sistema, que se supón costoso, e que as autoridades competentes supoñen que vai funcionar e será un adianto importante sobre o anterior.

O anterior sistema acreditaba que a ficha era utilizada, pero non quen a utilizaba, co que unha persoa podía utilizar dúas fichas, co permiso do titular, sen que este estivera presente na oficina. Por outra parte, o sistema acreditaba que se entrara na oficina, e que logo se saíra, pero sen poder comprobar se durante ese tempo houbera presencia ou ausencia no posto de traballo.

O mesmo ocorre co novo sistema, que acredita a presencia a unha hora determinada, pero nada máis.

O sistema, en definitiva, é un canto ao sol. O que queira traballar, traballa. O que queira folgar, atopará a maneira de facelo. Por enriba de calquera sistema estará sempre a autonomía do funcionario, e a supervisión e control do seu inmediato superior, que a fin de contas será o responsable do cumprimento das súas funcións en forma e tempo
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania