Opinión en Galicia

Buscador


autor opinión

Editorial

Ver todos los editoriales »

Archivo

Declarar "persoa non grata"

miércoles, 15 de mayo de 2013
Declarar “persoa non grata” a alguén por parte dunha institución paréceme algo moi serio, que debe estar reservado ao que manifestamente se comporta de xeito agresivo, innoble e inxusto contra unha poboación ou esa mesma institución. É unha declaración de último recurso diante dunha situación extrema.

Declarar “persoa non grata” a un político elexido polos votos da nosa xente non parece ser medida ou proposta xusta, porque se como dicía Ortega cada persoa e ela mesma e a súa circunstancia, un político elixido non é só unha persoa: é unha persoa máis a súa representación; ten un papel de representatividade e a súa postura ten un tanto de persoal pero moito máis de persoa pública, pertencente a un grupo político, cunha determinada ideoloxía.

E un representante do pobo está investido dun carácter especial, que ten que ser apreciado por todos pero especialmente polos demais políticos xa que o papel de representante non é tanxible senón que forma parte da estrutura política e social coa que nos dotamos para organizar a nosa convivencia.

Pretender declarar persoas non gratas a García Díez, Olga Iglesias e Jaime de Olano, deputados por Lugo no Congreso polo Partido Popular non parece ter sentido xa que en todo caso – ao ser máis ca persoas, representantes políticos- habería que declaralos “políticos non gratos”, pero eso podería resultar demasiado forte porque equivalería a intentar proscribir un xeito de pensar e proceder, e de paso a todos os que pertencen a esa corrente de opinión, e a todos os que simpatizan con ela.

No concello de Lugo non prosperou esta iniciativa, o que é un bo sinal de comportamento político democrático, xa que eses tres políticos mencionados – Garcia Diez, ex alcalde; Olga Iglesias e Jaime de Olano- non lle teñen feito a Lugo nin ao seu concello unha ación agresiva, innoble e inxusta.

Do que se acusa a estes tres políticos é de ter votado no Congreso, coma todos os da súa cor política, de xeito determinado en relación coas preferentes, o seu canxe por accións e as quitas que han sufrir. Como se os deputados no Congreso tivesen liberdade de manobra de votar de xeito diferente do que os seus partidos ordenan.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania