O ministro ten un mal irmán

Enterámonos de que o ministro Wert ten un irmán. Un mal irmán.

Pode ser moi bo como profesor, e pode estar moi descontento coa nova lexislación que está a preparar o Goberno relativa ao tema das competencias do ministerio que rexe o ministro Wert, pero seu irmán debía ser algo máis cauteloso e non pronunciarse de xeito tan decidido para deixar en mal lugar a executoria de alguén da súa familia.

Poida que eso de considerar que o tema da familia é algo importante non vaia con algúns, e manifestarse pública e ostensiblemente contra a a executoria dun irmán se considere un dereito perfecto, sabendo ademais que os medios de comunicación temos o dereito e o deber de facer fincapé nesa relación á hora de informar sobre estas controversias.

E sen embargo está mal que o irmán do Ministro Wert, o segundo Wert, se aproveite da súa relación co Ministro. Porque se non fose seu irmán sería un de tantos profesores que se opoñen á nova Lei, que tivo a ocorrencia de dar clase na rúa, pero non sería noticia porque sería un “nome común”, pero neste caso é un “nome propio”.

Pode que o Ministro Wert coxee no seu traballo, pero eso o tempo e os resultados o dirán. Mais seu irmán, que disfrutou dunhas horas de gloria gracias ao parentesco, vense de cubrir dunha sustancia que todos podemos imaxinar polo que non fai falla mencionala.