Moisés e Rajoy

Desde o Preguntoiro

O PP remata de explicar co seu voceiro Sr Rajoy 12 puntos onde cre que “España va bien”. Máis ben asemella a 12 “Mandamientos de la Ley del Señor”. Non encanto, Rajoy supera a Moisés en dous máis.

Vou centrarme un pouco no quinto “mandamiento” que fala do aumento do poder adquisitivo dos pensionistas e dos españois en xeral. Se neste mente como un cosaco, os restantes once puntos son de xulgado de garda.

Comenta o Sr. Presidente que: “los pensionistas recuperan el poder adquisitivo”, será porque que deixan máis do cinco por cento en mercar medicamentos e non aumenta o que corresponde ao IPC; quizais fale dos que xubílanse na banca como o último que o fixo no Banco Santander con 88 millóns de euros, ou de algúns políticos que retíranse sen dar un pau a auga con pensións máximas.

Non quero pensar a cantidade de mentiras que di nos outros once puntos ( todos os puntos pódense ler nos xornais), ou este Sr. non vive neste país, ou está el e toda a cúpula do seu partido embarcados no surrealismo. Pode ser que por riba de mentir e caer no surrealismo téñanos por “gilipollas” á maioría dos españois. Hai que ter unha falta de conciencia, moita cara dura e moito estómago para manipular os datos e votalos enriba da nosa cara.

A realidade é outra nun país en estado de emerxencia nacional, con perspectivas sociais moi escuras, cun goberno que mente e un obxectivo de tapar a corrupción do seu partido desde posicións dominantes de poder e de influencia. Onde somos o exemplo de pobreza infantil. Xa non temos dereitos laborais, só obrigas. A sanidade estase privatizando para darlla aos seus amigos. A lei do aborto que devólvenos aos anos 50. O ensino público volve aos anos 60. A lei de dependencia non existe. Xa non temos dereito a manifestarnos nin dar a nosa opinión, criminalizando e demonizando desde o goberno aos que sufrimos este desmantelamento .

Teñen a razón da forza represora, porque as razóns para manterse no poder non existen. Asemella democracia pero non a é.