Adiante coa música!

O día dous de maio de 2013, a UNED SÉNIOR DE XESTOSO reuniuse para celebrar os logros acadados polo alumnado da Uned Sénior na clase de MÚSICA.

Se ben é certo que cando iniciamos este curso de música, non sabíamos moi ben que se esperaba de nós; a estas alturas, xa se ven certos logros que merecen ter unha celebración.

Unha parte de alumnado está moi dotado para este idioma universal, a outros cóstanos máis, pero entre todos somos capaces de ameniza-las nosas festas e disfrutamos moito facendo felices ó resto do alumnado que nos escoita.

A verdade é que a música está en todas partes onde existe un puñado de persoas que queren celebrar algo:

-Se facemos unha festa familiar, a música non pode faltar.

-Se celebramos a festa do patrón, a música non pode faltar.

-Se celebramos calquera a contecemento importante, sexa civil ou relixioso; a música non pode faltar.

-Se celebramos um acontecemento alegre, a música non pode faltar.

-Se celebramos um acontecemento triste, como pode ser opasamento dun ser querido, a música non pode faltar:

-A natureza eléctrica da materia debe ser tamén musical. A música está en todo. Todo é música.

-Cando éramos bebés, alguén se encargaba de cantarnos preciosas nanas.

-Na infancia, tiñamos a música como asignatura nas escolas e nos xogos infantís.

-Na xuventude, tíñamola na universidade e tamén canturreábamos nós mesmos según a canción de moda.

-E na vida adulta, igual.

-E loxicamente non podía faltar agora nesta etapa da vida senil, porque coincide co momento no que temos máis memoria musical que fomos acumulando ó longo da vida.

Por eso é unha idea moi acertada que a Uned Sénior a siga cultivando e teña un día para celebrala.

Grazas ó vídeo realizado por Marcos Nine Búa para a Uned Sênior de Xestoso, poderemos vernos cada un a si mesmo e tamén dentro do grupo.
Que veremos moitos fallos, xa o sabemos, pero ímonos quedar co lado positivo: tamén son moitos os logros acadados grazas ó esforzo de tódolos participantes e máis ó do noso profesor de música que vale un imperio.

Certo que o alumnado é como é, pero o profesor que temos neste momento é a persoa idónea para mostrarnos os encantos da música.
Sabe levarnos con profesionalidade, moita paciencia e moito cariño.

Sirvan estas palabras para mostrarlle o noso máis agradecemento.

Grazas tamén ó alumnado máis adiantado que fai de locomotora e vai tirando dos que imos no último vagón.

Graciñas tamén os do último vagón, porque grazas a nós o tren é máis longo e dá gusto velo.

-Grazas ó do bombo que nos marca o paso.

-Grazas os gaiteiros.

-Grazas os tamborileiros.

-Grazas os saxofonistas.

-Grazas os do charrasco.

-Grazas os acordoeonistas.

-Graciña os da caixa que todo un mestre na materia.

-Graciñas ás pandereteiras

-Grazas os das cunchas que co seu chas-ca-rras-cás amenizan a festa.

-Grazas a tósdolos músicos dos restantes instrumentos.

-Grazas ó Profesor por ensinarnose coordinarnos.

-Grazas á Uned Sénior por incluí-la música como asignatura.

-Grazas a tódolos asisitentes por reunirse en torno a esta celebración.

Todos, absolutamente todos somos necesarios para que as cousas vaian o ben que van.

Sen a nosa colalboración no poderia levarse a cabo esta celebración na que compartimos música, mantel, compañía, relación interprovincial e moitas cosas máis.

¡Graciñas e moi feliz velada para todos!