Opinión en Galicia

Buscador


autor opinión

Editorial

Ver todos los editoriales »

Archivo

Todos contra a droga

viernes, 20 de mayo de 2005
    "Proyecto Hombre" ven de celebrar en Vigo os seus doce anos de presencia na cidade. "Proyecto Hombre" ven de celebrar en Lugo un gran festival para familias e simpatizantes. "Proyecto Hombre" é un colectivo de loita contra da droga, de tódalas drogas.

    A droga tivo na sociedade mundial momentos de tolerancia e complacencia cando non se coñecían os seus efectos ou non se querían coñecer. Os "felices sesenta" afogaron no "fume embriagador" que se evidenciou traicioneiro e mortal pouco despois.
   
Toda realidade social que esconde motivacións económicas, é perigosa. Se, ademáis, entolece, empobrece e mata, pero está rodeada - ou estivo - dunha aureola de falso progreso, de seudo-cultura, de liberación, de elitismo, o perigo dispárase.
   
Proyecto Hombre e outras benéficas entidades loitan a prol dos afectados pola droga, polos usuarios e as súas familias, atallando o gravísimo problema.
  
  Pero fan falla campañas intensas e duradeiras, nos colexios e nas familias, para concienciar ós rapaces cando máis novos mellor do perigo que supón a evasión da realidade buscando eses paraisos artificiais que non son máis que a antesala do inferno, entendido este como o máis amplo sentido da palabra.
    O da droga non é só tema ou obriga das institucións, das familias dos afectados, dos que a sofren máis directamente, senón cousa de todos.
  
  Claro que está ben que xurdira hai xa anos o colectivo das Nais que capitanea a heroína Avendaño - e non é este un xogo de palabras- pero ó ser un problema que nos afecta a todos, todos somos responsables e afectados, todos estamos chamados a involucrarnos no problema.
  
  ¡Todos contra a droga! ten que ser moito máis ca un chamado ou unha pancarta. Todos contra a droga é unha indispensable postura que as institucións deben fomentar, e toda Galicia subscribir.
 
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania