Opinión en Galicia

Buscador


autor opinión

Editorial

Ver todos los editoriales »

Archivo

Azos para o 2013

miércoles, 02 de enero de 2013
Empeza un novo ano, e novamente faino con vertidos de incertezas na vida pública. Xa son moitos de tempestade, e coido que a nosa xente ten ben demostrado que sabe navegar a mar aberto (ao contrario que a clase política e financeira). Entón é hora de darlle á xente nosa azos de futuro. É hora de prender a chama da esperanza e dicir que somos a forza que latexa en nós, que se o pobo ordena e o pobo decide só resta a vontade de non manter samesugas na vida pública.

En primeiro lugar cómpre dicir que o estado de benestar é posible e sostible se o diñeiro público non se destina a pagar as débedas de catro dexenerados. É posible manter a sanidade, a educación e os servizos sociais. É posible, incluso manter as nosas infraestruturas se nos miramos para dentro, volvemos a casa e tiramos polo noso propio potencial, polo endóxeno! Polo legado dos avós que tan esquecido temos! En troques nel está o osíxeno do noso futuro. Podémonos enganar o tempo que queiramos, pero esta crise representa o fracaso dun modelo insostible e a solución que nos presentan como inevitable é mudalo por un modelo excluínte.

En segundo lugar, hai que defender por todos os medios os nosos sectores produtivos. Aquí cómpre apelar as conciencias individuais e convidalas a consumir o noso, as regalías que a nosa xente saca desta Terra rica, fértil e agarimosa sobre a que nunca choveu que non escampara. Cando consumimos o noso, establecemos unha espiral de crecemento colectivo na que podemos xerar sinerxías positivas que procuren inclusións e vidas con seguros de dignidade.

É necesario volver a casa, valorarnos e valorar o noso entorno como un bo medio de vida que temos que coidar e legar. Neste punto, volta á memoria Castelao e a emocionante defensa que fai dos medios de produción galegos: a vaca, o peixe e a árbore. E un pensa, non será hora xa de deixarnos de contos, facerlle fronte a Europa e empezar mobilizar o noso verdadeiro potencial, ese que nos di dende as fonduras históricas que podemos ser?
Santalla, Iago
Santalla, Iago


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania