Aire frío

A pesar de estar dentro da cafetaría, nótase o frío. O aire está a golpear con forza sobre os xeonllos, e cando, unhas horas antes, andaba a ler pola pista dos Agros de Baños de Molgas, batía sen misericordia no pescozo e no cocote.

Logo de colocar sobre a cabeza un gorro negro de la, o maldito aínda buscaba ocos que eu intentaba tapar subindo todo o que daba de si o colo do gabán.

O aire tamén maltrataba coma látego de sete colas as puntas dos dedos das mans por estar estas ocupadas suxeitando a voluminoso libro “O penúltimo soño”, de Ángela Becerra.

O resto das mans estaban cubertas por uns guantes de la que me fixera miña nai para que puidese ler precisamente ao aire libre nos días de inverno. Guantes cos dedos cortados. Bendita e querida nai!.