Opinión en Galicia

Buscador


autor opinión

Editorial

Ver todos los editoriales »

Archivo

Gómez Besteiro

viernes, 14 de diciembre de 2012
Hai tempo que algo se move dentro do PSOE, o que ten que ser sinal de vitalidade, aínda que cada quen ande a buscar o seu lugar baixo o sol. En Madrid, ao que os socialistas chaman escala “Federal”, Carme Chacón volveu dar mostras de impaciencia por encontrarse frontalmente co actual lider, Rubalcaba, que sen embargo opina que esa confrontación celebrarase “cando toque”, e se vislumbren no horizonte citas políticas importantes.

En Galicia, cen militantes socialistas asinaron un manifesto titulado “En Positivo”, pedindo unha rexeneración orgánica no Partido que o libere da situación de dependencia desa escala “Federal”, consiga liberarse da endogamia, abra un debate interno, acade un liderado colectivo e incluínte con elección de cargos nas correspondentes primarias, se relacione con colectivos simpatizantes non militantes, adopte un galeguismo cosmopolita e consiga ser un referente ético, cun proxecto alternativo ao do Partido Popular.

E en Lugo a iniciativa dun “Partido diferente” está a cargo do Presidente da Deputación, José Ramón Gómez Besteiro, que revoluciona ao partido preguntando e suxerindo, abrindo un tempo de opinión para nel ver de catapultarse como futuro posible lider nun tempo político ben difícil no que haberá –esste Partido e todos os que aspiren a ser alguén nesta terra- que plantar cara a todos os graves retos que a sociedade ten pendientes de resolver.

O certo é que en termos absolutos, non é mal candidato para abandeirar un novo tempo do PSOE en Lugo e máis aló, en toda Galicia: é novo, dotado dunha formación sòlida, con excelente imaxe pública, e un acreditado don de xentes e magnífica relación con todos. En termos relativos, xa non digamos, que despois dos problemas de tipo legal de José Blanco e López Orozco, a verdade é que a de Besteiro é a imaxe máis clara, nítida, potente, que o PSOE pode ofrecer desde Lugo como mascarón de proa dunha nave que debe navegar por mares procelosos na percura dunha boa viaxe.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania