O rei do mundo

Hai xente que se queixa porque sofre. Co balsámico que é sufrir. Axiña lle contas as penas a alguén e é nese momento cando un queda algo así coma baleiro. Non hai cousa máis bonita que desafogar.

Sénteste o rei do mundo, porque sabes que estás a acaparar toda a atención. E sabes que sempre hai alguén que se compadece un chisco de ti. Aínda que sexa mentira.

Co bonito que é sufrir. Incluso ás veces te quedas nunha pose de película; esa na que te enfocan coa ollada perdida nun punto infinito. É unha imaxe moi suxestiva… como sofre, o pobre!

Non vos queixedes por sufrir. Sufride e veredes cómo alguén vos dá unhas palmadiñas nas costas… aínda que sexan falsas.